Fréttir birtar úr leynilegum upptökum af þingmönnum Miðflokks og Flokks fólksins Atli Ísleifsson og Kjartan Kjartansson skrifa 28. nóvember 2018 20:17 Forsíðuvísun á umfjöllun upp úr upptökunum á vefsíðu Stundarinnar nú í kvöld. Skjáskot Fréttamiðlarnir DV og Stundin birtu í kvöld bæði fréttir upp úr samtali nokkurra þingmanna Miðflokksins og Flokks fólksins úr leynilegum upptökum sem voru gerðar á hótelbar þar sem þingmennirnir sátu. Á þeim er fyrrverandi utanríkisráðherra meðal annars sagður hafa upplýst að hann hafi skipað sendiherra úr röðum VG til að draga athygli frá skipan Geirs H. Haarde sem sendiherra í Bandaríkjunum og þingmenn Miðflokksins sagðir hafa uppi stór orð um Ingu Sæland, formann Flokks fólksins. Fréttir beggja miðla birtust um svipað leyti nú undir kvöld. Báðir vísa þeir í leynilegar upptökur sem hafi verið gerðar án vitundar þingmannanna á Klaustri, bar hótels Kvosin við Kirkjutorg 20. nóvember. Þar eru sögð hafa verið viðstödd Sigmundur Davíð Gunnlaugsson, formaður Miðflokksins, Gunnar Bragi Sveinsson, fyrrverandi utanríkisráðherra og þingflokksformaður Miðflokksins, Anna Kolbrún Árnadóttir og Bergþór Ólason, þingmenn flokksins auk Ólafs Ísleifssonar og Karls Gauta Hjaltasonar, þingmanna Flokks fólksins. Ekki kemur fram í fréttum miðlanna hvernig þeir komust yfir upptökurnar. Karl Gauti Hjaltason, þingmaður Flokks fólksins, bar ekki brigður á upptökurnar í samtali við Vísi. „Ég set hins vegar spurningamerki hvert við erum komin, íslenskt samfélag – með þessum fáu hræðum sem hér búa og þessum örfáu stjórnmálamönnum sem starfa fyrir land og þjóð – að menn fari á veitingastað og eigi þar samtöl og menn megi búast við því að fólk læðist aftan að því og taki þau samtöl upp. Ég spyr mig: Á hvaða stað erum við komin?“ Vísir hefur reynt að ná tali af þeim Gunnari Braga, Sigmundi Davíð, Önnu Kolbrúnu og Bergþóri en þau hafa ekki svarað. DV segir að á upptökunum heyrist Gunnar Bragi tala um að hann hafi sem utanríkisráðherra skipað Árna Þór Sigurðsson, fyrrverandi þingmann Vinstri grænna, sem sendiherra í Finnlandi til að draga athygli frá skipan Geirs H. Haarde sem sendiherra í Bandaríkjunum. Með því hafi hann talið sig eiga inni greiða hjá Sjálfstæðisflokknum og eiga sjálfur sendiherrastöðu vísa síðar meir. „Ég átti fund með Bjarna [Benediktssyni] í fjármálaráðuneytinu. Ég sagði við Bjarna: „Það er algjörlega sjálfsagt. Auðvitað geri ég Geir að sendiherra.“ Og ég sagði við hann: „Og mér finnst sanngjarnt að þið horfið til svipaðra hluta þegar ég þarf á því að halda.“ Það var ekki vegna þess að ég hafi verið að hugsa um að skipta um flokk. Ég var ekki kominn út þegar Þórólfur (Gíslason) hringir og spyr: „Ætlar þú að verða sendiherra?“ Ég var ekki kominn út úr ráðuneytinu,“ hefur DV eftir Gunnari Braga. Sigmundur Davíð, sem þá var forsætisráðherra, er sagður staðfesta að lýsing Gunnars Braga hafi verið rétt. „Bjarni má eiga það, hann viðurkenndi þetta. Bjarni fór út um víðan völl en niðurstaðan var sú að Bjarni féllst á það að ef þetta gengi eftir, þá ætti Gunnar inni hjá Sjálfstæðismönnum,“ hefur DV eftir Sigmundi Davíð.Frétt sem DV birti upp úr upptökunum í kvöld.SkjáskotFúkyrði um Ingu Sæland Umræða þingmannanna um formann Flokks fólksins virðist hafa verið tæpitungulaus ef marka má fréttir DV og Stundarinnar. Þingmenn Miðflokksins hafi reynt að fá Ólaf og Karl Gauta til þess að ganga til liðs við þá. Stundin hefur eftir Karli Gauta að þeir Ólafur væru sammála um að Inga Sæland, formaður flokks þeirra, væri ekki starfi sínu vaxin. „Við erum ekki að pressa á ykkur að koma bara inn í eitthvað. Við gerum okkur grein fyrir því að þið eruð burðarásarnir í Flokki fólksins og fyrir vikið, áttum okkur á því...að ef þið komið með okkur myndum við kunna að meta það,“ er haft eftir Sigmundi Davíð. Karl Gauti segir við Vísi að hann hafi sjálfur oft fengið boð um það að ganga til liðs við aðra flokka á þingi og séu ekki tekin of alvarlega. Hann vildi að öðru leyti ekki tjá sig um það sem haft er upp úr upptökunum. Nokkrir þingmenn Miðflokksins eru sagðir fara ófögrum orðum um Ingu Sæland á upptökunni. Þannig segi Bergþór um Ingu að hún sé „fokking tryllt“ og „húrrandi klikkuð kunta“. „Þið verðið að átta ykkur á því að þið getið ekkert endalaust látið „madame Sæland“ bara grilla ykkur eins og þið séuð ekki til,“ hefur Stundin eftir Gunnari Braga. Blaðið segir þá Ólaf og Karl Gauta nær ekkert hafa komið Ingu til varnar. Fleiri óviðurkvæmileg orð eru höfð eftir Gunnari Braga í DV þar sem hann ræðir um skipan á sendiherrum. Lýsir hann því hvernig þingmenn Vinstri grænna hefðu getað orðið brjálaðir þegar hann skipaði Geir sem sendiherra. Virðist hann vísa til Katrínar Jakobsdóttur þegar hann segir hana ekki hafa sagt orð þegar þau funduðu. „Geir slapp í gegnum þetta eins og smjör á smokknum hjá honum þarna Friðriki Ómari,“ hefur DV eftir Gunnari Braga. Virðist hann þar vísa til söngvarans Friðriks Ómars Hjörleifssonar sem er samkynhneigður. Alþingi Upptökur á Klaustur bar Mest lesið Munu ekki láta af herferð vegna launaþjófnaðarins Innlent Munu hlýða kröfu landsfundar verði tillaga um stjórnarslit samþykkt Innlent Ákveðinn hópur hafi unnið að niðurstöðunni undir yfirborðinu Innlent Orlof húsmæðra: Barn síns tíma eða liður í jafnrétti? Innlent Kertavaka til minningar um konur sem hafa dáið vegna kynbundins ofbeldis Innlent Segir valsað um sjúkraskrána eins og á rölti um Kringluna Innlent Loksins mega hommar gefa blóð Innlent Fimm bíla árekstur á Vesturlandsvegi Innlent Mannekla bindur hendur héraðssaksóknara í samráðsmáli Innlent Vill hætta við nýja brú yfir Ölfusá og spara milljarða króna Innlent Fleiri fréttir Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Segir valsað um sjúkraskrána eins og á rölti um Kringluna Ábendingarnar verði teknar alvarlega Hætta rannsókn á mútumálinu á Selfossi Þrettán fengið samtals 512 eldri orlofsdaga greidda við starfslok Ökumanns hvítrar Teslu enn leitað Starfsfólk Ítalíu vill bíl Eflingar burt „Hönnun er í raun og veru allt í kringum okkur“ Rjúpnaveiðitímabilið 25 til 58 dagar eftir svæðum Vill hætta við nýja brú yfir Ölfusá og spara milljarða króna Níu ára stúlka sem féll niður loftræstistokk á rétt á skaðabótum „Laxaastmi“ tekinn alvarlega fyrir vestan Loftmyndir opna nýtt og einstakt þrívíddarkort af Íslandi Býst við þremur áminningum til og hjólar í lögmannanefnd List í anda frægustu orða Vigdísar og allar slaufurnar á sama stað Stilltu til friðar í slagsmálum fyrir utan skemmtistað Lögmaður eiginkonunnar fyrrverandi segir lögreglu ljúga Vísar orðum Jóns um nýja Ölfusárbrú á bug Sjá meira
Fréttamiðlarnir DV og Stundin birtu í kvöld bæði fréttir upp úr samtali nokkurra þingmanna Miðflokksins og Flokks fólksins úr leynilegum upptökum sem voru gerðar á hótelbar þar sem þingmennirnir sátu. Á þeim er fyrrverandi utanríkisráðherra meðal annars sagður hafa upplýst að hann hafi skipað sendiherra úr röðum VG til að draga athygli frá skipan Geirs H. Haarde sem sendiherra í Bandaríkjunum og þingmenn Miðflokksins sagðir hafa uppi stór orð um Ingu Sæland, formann Flokks fólksins. Fréttir beggja miðla birtust um svipað leyti nú undir kvöld. Báðir vísa þeir í leynilegar upptökur sem hafi verið gerðar án vitundar þingmannanna á Klaustri, bar hótels Kvosin við Kirkjutorg 20. nóvember. Þar eru sögð hafa verið viðstödd Sigmundur Davíð Gunnlaugsson, formaður Miðflokksins, Gunnar Bragi Sveinsson, fyrrverandi utanríkisráðherra og þingflokksformaður Miðflokksins, Anna Kolbrún Árnadóttir og Bergþór Ólason, þingmenn flokksins auk Ólafs Ísleifssonar og Karls Gauta Hjaltasonar, þingmanna Flokks fólksins. Ekki kemur fram í fréttum miðlanna hvernig þeir komust yfir upptökurnar. Karl Gauti Hjaltason, þingmaður Flokks fólksins, bar ekki brigður á upptökurnar í samtali við Vísi. „Ég set hins vegar spurningamerki hvert við erum komin, íslenskt samfélag – með þessum fáu hræðum sem hér búa og þessum örfáu stjórnmálamönnum sem starfa fyrir land og þjóð – að menn fari á veitingastað og eigi þar samtöl og menn megi búast við því að fólk læðist aftan að því og taki þau samtöl upp. Ég spyr mig: Á hvaða stað erum við komin?“ Vísir hefur reynt að ná tali af þeim Gunnari Braga, Sigmundi Davíð, Önnu Kolbrúnu og Bergþóri en þau hafa ekki svarað. DV segir að á upptökunum heyrist Gunnar Bragi tala um að hann hafi sem utanríkisráðherra skipað Árna Þór Sigurðsson, fyrrverandi þingmann Vinstri grænna, sem sendiherra í Finnlandi til að draga athygli frá skipan Geirs H. Haarde sem sendiherra í Bandaríkjunum. Með því hafi hann talið sig eiga inni greiða hjá Sjálfstæðisflokknum og eiga sjálfur sendiherrastöðu vísa síðar meir. „Ég átti fund með Bjarna [Benediktssyni] í fjármálaráðuneytinu. Ég sagði við Bjarna: „Það er algjörlega sjálfsagt. Auðvitað geri ég Geir að sendiherra.“ Og ég sagði við hann: „Og mér finnst sanngjarnt að þið horfið til svipaðra hluta þegar ég þarf á því að halda.“ Það var ekki vegna þess að ég hafi verið að hugsa um að skipta um flokk. Ég var ekki kominn út þegar Þórólfur (Gíslason) hringir og spyr: „Ætlar þú að verða sendiherra?“ Ég var ekki kominn út úr ráðuneytinu,“ hefur DV eftir Gunnari Braga. Sigmundur Davíð, sem þá var forsætisráðherra, er sagður staðfesta að lýsing Gunnars Braga hafi verið rétt. „Bjarni má eiga það, hann viðurkenndi þetta. Bjarni fór út um víðan völl en niðurstaðan var sú að Bjarni féllst á það að ef þetta gengi eftir, þá ætti Gunnar inni hjá Sjálfstæðismönnum,“ hefur DV eftir Sigmundi Davíð.Frétt sem DV birti upp úr upptökunum í kvöld.SkjáskotFúkyrði um Ingu Sæland Umræða þingmannanna um formann Flokks fólksins virðist hafa verið tæpitungulaus ef marka má fréttir DV og Stundarinnar. Þingmenn Miðflokksins hafi reynt að fá Ólaf og Karl Gauta til þess að ganga til liðs við þá. Stundin hefur eftir Karli Gauta að þeir Ólafur væru sammála um að Inga Sæland, formaður flokks þeirra, væri ekki starfi sínu vaxin. „Við erum ekki að pressa á ykkur að koma bara inn í eitthvað. Við gerum okkur grein fyrir því að þið eruð burðarásarnir í Flokki fólksins og fyrir vikið, áttum okkur á því...að ef þið komið með okkur myndum við kunna að meta það,“ er haft eftir Sigmundi Davíð. Karl Gauti segir við Vísi að hann hafi sjálfur oft fengið boð um það að ganga til liðs við aðra flokka á þingi og séu ekki tekin of alvarlega. Hann vildi að öðru leyti ekki tjá sig um það sem haft er upp úr upptökunum. Nokkrir þingmenn Miðflokksins eru sagðir fara ófögrum orðum um Ingu Sæland á upptökunni. Þannig segi Bergþór um Ingu að hún sé „fokking tryllt“ og „húrrandi klikkuð kunta“. „Þið verðið að átta ykkur á því að þið getið ekkert endalaust látið „madame Sæland“ bara grilla ykkur eins og þið séuð ekki til,“ hefur Stundin eftir Gunnari Braga. Blaðið segir þá Ólaf og Karl Gauta nær ekkert hafa komið Ingu til varnar. Fleiri óviðurkvæmileg orð eru höfð eftir Gunnari Braga í DV þar sem hann ræðir um skipan á sendiherrum. Lýsir hann því hvernig þingmenn Vinstri grænna hefðu getað orðið brjálaðir þegar hann skipaði Geir sem sendiherra. Virðist hann vísa til Katrínar Jakobsdóttur þegar hann segir hana ekki hafa sagt orð þegar þau funduðu. „Geir slapp í gegnum þetta eins og smjör á smokknum hjá honum þarna Friðriki Ómari,“ hefur DV eftir Gunnari Braga. Virðist hann þar vísa til söngvarans Friðriks Ómars Hjörleifssonar sem er samkynhneigður.
Alþingi Upptökur á Klaustur bar Mest lesið Munu ekki láta af herferð vegna launaþjófnaðarins Innlent Munu hlýða kröfu landsfundar verði tillaga um stjórnarslit samþykkt Innlent Ákveðinn hópur hafi unnið að niðurstöðunni undir yfirborðinu Innlent Orlof húsmæðra: Barn síns tíma eða liður í jafnrétti? Innlent Kertavaka til minningar um konur sem hafa dáið vegna kynbundins ofbeldis Innlent Segir valsað um sjúkraskrána eins og á rölti um Kringluna Innlent Loksins mega hommar gefa blóð Innlent Fimm bíla árekstur á Vesturlandsvegi Innlent Mannekla bindur hendur héraðssaksóknara í samráðsmáli Innlent Vill hætta við nýja brú yfir Ölfusá og spara milljarða króna Innlent Fleiri fréttir Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Segir valsað um sjúkraskrána eins og á rölti um Kringluna Ábendingarnar verði teknar alvarlega Hætta rannsókn á mútumálinu á Selfossi Þrettán fengið samtals 512 eldri orlofsdaga greidda við starfslok Ökumanns hvítrar Teslu enn leitað Starfsfólk Ítalíu vill bíl Eflingar burt „Hönnun er í raun og veru allt í kringum okkur“ Rjúpnaveiðitímabilið 25 til 58 dagar eftir svæðum Vill hætta við nýja brú yfir Ölfusá og spara milljarða króna Níu ára stúlka sem féll niður loftræstistokk á rétt á skaðabótum „Laxaastmi“ tekinn alvarlega fyrir vestan Loftmyndir opna nýtt og einstakt þrívíddarkort af Íslandi Býst við þremur áminningum til og hjólar í lögmannanefnd List í anda frægustu orða Vigdísar og allar slaufurnar á sama stað Stilltu til friðar í slagsmálum fyrir utan skemmtistað Lögmaður eiginkonunnar fyrrverandi segir lögreglu ljúga Vísar orðum Jóns um nýja Ölfusárbrú á bug Sjá meira