Eiginmaður bardagakonu reyndi að drepa hana

UFC-bardagakonan Rachael Ostovich var lögð inn á spítala um helgina eftir að eiginmaður hennar reyndi að myrða hana.

Hjónin lentu í rifrildi síðasta sunnudagsmorgun á heimili þeirra sem endaði með því að eiginmaðurinn, Arnold Berdon, gekk í skrokk á Ostovich. Hann hefur nú verið kærður fyrir morðtilraun.

Ostovich var illa farin eftir árásina með mörg beinbrot. Hún er á batavegi og laus af sjúkrahúsinu.

Hún hefur fengið nálgunarbann á eiginmanninn sem er enn í steininum. Hjónin eiga eitt barn saman.

Ostovich átti að berjast gegn Paige VanZant þann 19. janúar í Brooklyn en hefur nú eðlilega þurft að draga sig úr bardaganum.