Bergþóri og Gunnari Braga rennur blóðið til skyldunnar og snúa aftur á Alþingi í dag Kolbeinn Tumi Daðason skrifar 24. janúar 2019 09:56 Gunnar Bragi Sveinsson og Bergþór Ólason voru á alræmdum hittingi nokkurra þingmanna á Klaustur Bar þann 20. nóvember. Vísir Bergþór Ólason og Gunnar Bragi Sveinsson, þingmenn Miðflokksins, snúa aftur á Alþingi í dag þar sem þingfundur hefst klukkan 10:30, í beinni útsendingu venju samkvæmt. Bergþór skrifaði grein í Morgunblaðið í dag varðandi endurkomu sína á þing. Bergþór og Gunnar Bragi voru á meðal þingmanna Miðflokksins sem ræddu sín á milli á Klaustur bar þann 20. nóvember síðastliðinn. Bára Halldórsdóttir tók samtal þingmannanna upp eins og frægt er orðið. „Í kosningunum haustið 2017 var ég kjörinn á þing og í þingstörfum mínum hef ég reynt að berjast fyrir hagsmunum fólksins í því kjördæmi sem ég tilheyri og fyrir þeirri stefnu sem flokkur minn byggist á. Ég hyggst gera þetta áfram eftir bestu getu,“ sagði Bergþór meðal annars í grein sinni í morgun. Verst hafi honum fundist að heyra í sjálfum sér en setur um leið stór spurningamerki við upptökuna og lögmæti hennar.Bergþór mætir í þinghúsið í morgun.Vísir/VilhelmBiðst fyrirgefningar enn á ný Gunnar Bragi talar á svipuðum nótum í yfirlýsingu til fjölmiðla í morgun. Hann minnir á að hann hafi verið kosinn á Alþingi af fjölda fólks og gagnvart kjósendum beri hann ríkar skyldur. „Í kjölfar óviðeigandi og særandi orða og ólögmætrar upptöku á þeim þá tók ég þá ákvörðun að taka mér launalaust leyfi frá þingstörfum eftir að hlerunarmálið umtalaða komst í hámæli. Ég vildi skoða hug minn, safna kröftum og ræða síðan við bakland mitt. Ég iðrast og hef beðist fyrirgefningar á orðum mínum og geri það enn á ný. Ég hef leitað ráðgjafar og um leið notið mikils skilnings og stuðnings ættingja, vina og félaga innan flokks og utan. Þakka ég þeim hvatninguna og traustið.“Gunnar Bragi á þingfundinum sem hófst klukkan 10:30.Vísir/VilhelmÞakkar hvatninguna Gunnar Bragi segir Miðflokkinn hafa gefið sér það svigrúm sem hann hafi óskað eftir og hvorki hvatt sig né latt til að flýta endurkomunni. „Vel má skilja það hlutleysi sem vísbendingu um að hvorki ég né aðrir væru ómissandi fyrir flokkinn og undir það tek ég heilshugar. Ég var á hinn bóginn kosinn til starfa á Alþingi af fjölda fólks og gagnvart því ber ég ríkar skyldur. Þær vildi ég að sjálfsögðu rækja á nýjan leik í fyllingu tímans. Þakka ég þeim fjölmörgu stuðningsmönnum sem hafa sett sig í samband við mig og minnt mig á þessar skyldur mínar og hvatt mig til starfa.“ Stundum séu ákvarðanir nánast teknar fyrir mann. „Fremur óvænt – en samt ekki - blasir svarið við því hvenær rétt sé að snúa til baka. Fyrstu dagar þingfunda á nýju ári, og framganga forseta Alþingis að undanförnu, er með þeim hætti að annað er óhjákvæmilegt en að nýta sér allan rétt til þess að vera inni á þeim leikvelli þar sem að mér er sótt og svara fyrir mig á þeim vettvangi en ekki utan hans. Þess vegna mæti ég á nýjan leik til starfa minna á Alþingi í dag.“Bergþór á þingfundinum í morgun.Vísir/VilhelmVill verjast ágjöfinni Bergþór hefur einnig sent frá sér tilkynningu þar sem hann segist sömuleiðis verða að taka sér stöðu svo hann geti varið sig. Hann segist hafa tekið þá ákvörðun að taka sér leyfi í kjölfar „óvarlegra orða minna, ólögmætrar upptöku á þeim, fjölmiðlaumfjöllunar og vandlætingar í samfélaginu“. „Endurmat af þessu tagi þarf sinn tíma og hann ætlaði ég að taka mér. Í ljósi þeirra spjóta sem á mér stóðu strax á fyrstu dögum Alþingis, eftir að það kom saman á nýju ári, tel ég hins vegar óhjákvæmilegt að flýta för minni og taka mér stöðu þar sem ég get í senn varist ágjöfinni og haldið áfram að sinna þeim verkefnum sem mér hefur verið trúað fyrir.“ Þá segir Bergþór mikilvægt að störf Alþingis „komist í eðlilegan farveg sem allra fyrst í stað pólitískra hjaðningavíga enda þótt sumum þyki sóknarfæri á þeim vettvangi“. Hann muni leggja sitt af mörkum til að þingstörfin verði málefnaleg en ekki persónuleg og vonast til þess að aðrir muni leggja sig fram um slíkt hið sama.Fréttin var uppfærð klukkan 10:26 með tilkynningu Bergþórs og svo aftur klukkan 10:56 með myndum úr Alþingishúsinu. Alþingi Upptökur á Klaustur bar Mest lesið Tveir reyndust í skotti bíls Innlent Munu ekki láta af herferð vegna launaþjófnaðarins Innlent Munu hlýða kröfu landsfundar verði tillaga um stjórnarslit samþykkt Innlent Mannekla bindur hendur héraðssaksóknara í samráðsmáli Innlent Ákveðinn hópur hafi unnið að niðurstöðunni undir yfirborðinu Innlent Orlof húsmæðra: Barn síns tíma eða liður í jafnrétti? Innlent Kertavaka til minningar um konur sem hafa dáið vegna kynbundins ofbeldis Innlent Segir valsað um sjúkraskrána eins og á rölti um Kringluna Innlent Fimm bíla árekstur á Vesturlandsvegi Innlent Þorgerður Katrín: Enginn ráðskonurass undir fólki í Viðreisn Innlent Fleiri fréttir Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Segir valsað um sjúkraskrána eins og á rölti um Kringluna Ábendingarnar verði teknar alvarlega Hætta rannsókn á mútumálinu á Selfossi Þrettán fengið samtals 512 eldri orlofsdaga greidda við starfslok Ökumanns hvítrar Teslu enn leitað Starfsfólk Ítalíu vill bíl Eflingar burt „Hönnun er í raun og veru allt í kringum okkur“ Rjúpnaveiðitímabilið 25 til 58 dagar eftir svæðum Vill hætta við nýja brú yfir Ölfusá og spara milljarða króna Níu ára stúlka sem féll niður loftræstistokk á rétt á skaðabótum „Laxaastmi“ tekinn alvarlega fyrir vestan Loftmyndir opna nýtt og einstakt þrívíddarkort af Íslandi Býst við þremur áminningum til og hjólar í lögmannanefnd List í anda frægustu orða Vigdísar og allar slaufurnar á sama stað Stilltu til friðar í slagsmálum fyrir utan skemmtistað Sjá meira
Bergþór Ólason og Gunnar Bragi Sveinsson, þingmenn Miðflokksins, snúa aftur á Alþingi í dag þar sem þingfundur hefst klukkan 10:30, í beinni útsendingu venju samkvæmt. Bergþór skrifaði grein í Morgunblaðið í dag varðandi endurkomu sína á þing. Bergþór og Gunnar Bragi voru á meðal þingmanna Miðflokksins sem ræddu sín á milli á Klaustur bar þann 20. nóvember síðastliðinn. Bára Halldórsdóttir tók samtal þingmannanna upp eins og frægt er orðið. „Í kosningunum haustið 2017 var ég kjörinn á þing og í þingstörfum mínum hef ég reynt að berjast fyrir hagsmunum fólksins í því kjördæmi sem ég tilheyri og fyrir þeirri stefnu sem flokkur minn byggist á. Ég hyggst gera þetta áfram eftir bestu getu,“ sagði Bergþór meðal annars í grein sinni í morgun. Verst hafi honum fundist að heyra í sjálfum sér en setur um leið stór spurningamerki við upptökuna og lögmæti hennar.Bergþór mætir í þinghúsið í morgun.Vísir/VilhelmBiðst fyrirgefningar enn á ný Gunnar Bragi talar á svipuðum nótum í yfirlýsingu til fjölmiðla í morgun. Hann minnir á að hann hafi verið kosinn á Alþingi af fjölda fólks og gagnvart kjósendum beri hann ríkar skyldur. „Í kjölfar óviðeigandi og særandi orða og ólögmætrar upptöku á þeim þá tók ég þá ákvörðun að taka mér launalaust leyfi frá þingstörfum eftir að hlerunarmálið umtalaða komst í hámæli. Ég vildi skoða hug minn, safna kröftum og ræða síðan við bakland mitt. Ég iðrast og hef beðist fyrirgefningar á orðum mínum og geri það enn á ný. Ég hef leitað ráðgjafar og um leið notið mikils skilnings og stuðnings ættingja, vina og félaga innan flokks og utan. Þakka ég þeim hvatninguna og traustið.“Gunnar Bragi á þingfundinum sem hófst klukkan 10:30.Vísir/VilhelmÞakkar hvatninguna Gunnar Bragi segir Miðflokkinn hafa gefið sér það svigrúm sem hann hafi óskað eftir og hvorki hvatt sig né latt til að flýta endurkomunni. „Vel má skilja það hlutleysi sem vísbendingu um að hvorki ég né aðrir væru ómissandi fyrir flokkinn og undir það tek ég heilshugar. Ég var á hinn bóginn kosinn til starfa á Alþingi af fjölda fólks og gagnvart því ber ég ríkar skyldur. Þær vildi ég að sjálfsögðu rækja á nýjan leik í fyllingu tímans. Þakka ég þeim fjölmörgu stuðningsmönnum sem hafa sett sig í samband við mig og minnt mig á þessar skyldur mínar og hvatt mig til starfa.“ Stundum séu ákvarðanir nánast teknar fyrir mann. „Fremur óvænt – en samt ekki - blasir svarið við því hvenær rétt sé að snúa til baka. Fyrstu dagar þingfunda á nýju ári, og framganga forseta Alþingis að undanförnu, er með þeim hætti að annað er óhjákvæmilegt en að nýta sér allan rétt til þess að vera inni á þeim leikvelli þar sem að mér er sótt og svara fyrir mig á þeim vettvangi en ekki utan hans. Þess vegna mæti ég á nýjan leik til starfa minna á Alþingi í dag.“Bergþór á þingfundinum í morgun.Vísir/VilhelmVill verjast ágjöfinni Bergþór hefur einnig sent frá sér tilkynningu þar sem hann segist sömuleiðis verða að taka sér stöðu svo hann geti varið sig. Hann segist hafa tekið þá ákvörðun að taka sér leyfi í kjölfar „óvarlegra orða minna, ólögmætrar upptöku á þeim, fjölmiðlaumfjöllunar og vandlætingar í samfélaginu“. „Endurmat af þessu tagi þarf sinn tíma og hann ætlaði ég að taka mér. Í ljósi þeirra spjóta sem á mér stóðu strax á fyrstu dögum Alþingis, eftir að það kom saman á nýju ári, tel ég hins vegar óhjákvæmilegt að flýta för minni og taka mér stöðu þar sem ég get í senn varist ágjöfinni og haldið áfram að sinna þeim verkefnum sem mér hefur verið trúað fyrir.“ Þá segir Bergþór mikilvægt að störf Alþingis „komist í eðlilegan farveg sem allra fyrst í stað pólitískra hjaðningavíga enda þótt sumum þyki sóknarfæri á þeim vettvangi“. Hann muni leggja sitt af mörkum til að þingstörfin verði málefnaleg en ekki persónuleg og vonast til þess að aðrir muni leggja sig fram um slíkt hið sama.Fréttin var uppfærð klukkan 10:26 með tilkynningu Bergþórs og svo aftur klukkan 10:56 með myndum úr Alþingishúsinu.
Alþingi Upptökur á Klaustur bar Mest lesið Tveir reyndust í skotti bíls Innlent Munu ekki láta af herferð vegna launaþjófnaðarins Innlent Munu hlýða kröfu landsfundar verði tillaga um stjórnarslit samþykkt Innlent Mannekla bindur hendur héraðssaksóknara í samráðsmáli Innlent Ákveðinn hópur hafi unnið að niðurstöðunni undir yfirborðinu Innlent Orlof húsmæðra: Barn síns tíma eða liður í jafnrétti? Innlent Kertavaka til minningar um konur sem hafa dáið vegna kynbundins ofbeldis Innlent Segir valsað um sjúkraskrána eins og á rölti um Kringluna Innlent Fimm bíla árekstur á Vesturlandsvegi Innlent Þorgerður Katrín: Enginn ráðskonurass undir fólki í Viðreisn Innlent Fleiri fréttir Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Segir valsað um sjúkraskrána eins og á rölti um Kringluna Ábendingarnar verði teknar alvarlega Hætta rannsókn á mútumálinu á Selfossi Þrettán fengið samtals 512 eldri orlofsdaga greidda við starfslok Ökumanns hvítrar Teslu enn leitað Starfsfólk Ítalíu vill bíl Eflingar burt „Hönnun er í raun og veru allt í kringum okkur“ Rjúpnaveiðitímabilið 25 til 58 dagar eftir svæðum Vill hætta við nýja brú yfir Ölfusá og spara milljarða króna Níu ára stúlka sem féll niður loftræstistokk á rétt á skaðabótum „Laxaastmi“ tekinn alvarlega fyrir vestan Loftmyndir opna nýtt og einstakt þrívíddarkort af Íslandi Býst við þremur áminningum til og hjólar í lögmannanefnd List í anda frægustu orða Vigdísar og allar slaufurnar á sama stað Stilltu til friðar í slagsmálum fyrir utan skemmtistað Sjá meira