Claude Puel rekinn frá Leicester

Franski knattspyrnustjórinn Claude Puel hefur verið látinn taka pokann sinn hjá enska úrvalsdeildarliðinu Leicester City eftir skell gegn Crystal Palace í gær.

Félagið staðfesti þetta á heimasíðu sinni nú rétt í þessu en þar segir jafnframt að Jacky Bonnevay, aðstoðarmaður Puel, yfirgefi félagið einnig. 

Mike Stowell og Adam Sadler munu sjá um æfingar aðalliðsins á meðan unnið er á ráðningu á nýjum knattspyrnustjóra en næsti leikur Leicester í úrvalsdeildinni er næstkomandi þriðjudag þar sem þeir fá Brighton í heimsókn.

Claude Puel yfirgaf Southampton til að taka við Leicester í október 2017 en liðið er nú í 12.sæti ensku úrvalsdeildarinnar með 32 stig eftir 27 leiki. 

Leicester City Football Club has today (Sunday) parted company with Claude Puel, who leaves his position as First Team Manager with immediate effect.https://t.co/VoZnGBJ8Up

— Leicester City (@LCFC) February 24, 2019