Leið eins og eltihrelli Kristjana Björg Guðbrandsdóttir skrifar 23. febrúar 2019 08:30 Friðgeir Einarsson með Snorra Helgasyni á sviði Borgarleikhússins. Snorri samdi tónlist við verkið Club Romantica. Fréttablaðið/Stefán Listamaðurinn Friðgeir Einarsson frumsýnir nýtt leikverk í Borgarleikhúsinu í næstu viku. Verkið kallast Club Romantica. Í því greinir hann frá tilraunum sínum til að skila persónulegum myndaalbúmum sem hann keypti á flóamarkaði til upprunalegs eiganda. Hann reyndi að hafa uppi á konunni og fór á slóð myndanna til Mallorca og Belgíu. Fyrir meira en áratug var Friðgeir Einarsson staddur í Brussel. Hann átti afmæli og brá sér á flóamarkað og rakst þar á tvö myndaalbúm sem voru til sölu. „Ég keypti myndaalbúmin og settist seinna niður með þau og skoðaði myndirnar. Albúmin tilheyrðu konu sem hafði farið tvisvar í frí til Mallorca og dvalið í sumarhúsabyggðinni Club Romantica fyrir fjörutíu árum og síðar gifst manni í Belgíu,“ segir Friðgeir sem fannst forvitnilegt að þessi persónulegu myndaalbúm hefðu verið til sölu.Úr myndaalbúmunum sem Friðgeir keypti á flóamarkaði í Brussel.„Þarna voru svo margar minningar einnar manneskju. Mér fannst ótrúlegt að þessu hefði öllu verið hent. Ég gerði að minnsta kosti ráð fyrir því að þannig hefðu myndaalbúmin ratað á flóamarkaðinn,“ segir Friðgeir sem varð forvitinn um líf þessarar konu. „Ósjálfrátt fór ég að púsla saman sögu konunnar út frá þessum gögnum. Búa mér til hugmyndir um manneskjuna og annað fólk sem var með henni á myndunum og hvernig það tengdist henni.“Rakti slóðina Það liðu hins vegar mörg ár þar til Friðgeir fékk þá hugmynd að vinna verk tengt myndaalbúmunum og örlögum konunnar. „Einhver hafði vandað til verks við að setja saman albúmin. Mér fannst liggja beinast við að freista þess að skila þeim. Til þess þurfti ég að hafa uppi á konunni,“ segir Friðgeir. Hann vissi það að konan fór tvisvar til Mallorca í sumarhúsabyggð á eyjunni. Þótt fjörutíu ár væru liðin frá því að konan fór þangað í frí þá ákvað Friðgeir að fara á hennar slóðir. „Ég fór bara einn til Mallorca með myndaalbúm í fanginu. Ég vissi fyrir fram að það var ekki mikil von um að finna þar einhverjar vísbendingar, en það var glettilega ódýrt að fljúga. Auðvitað voru ekki til nein sérstök gögn um ferðamenn, en ég var líka kominn til Mallorca til þess að finna svolítið fílinginn. Ég var búinn að skoða þennan stað svo oft á myndum og fannst pínulítið eins og ég væri að koma aftur, mörgum árum seinna, og sjá breytingarnar sem höfðu orðið með tímanum,“ segir Friðgeir og segist hafa byrjað að mynda tengsl við þetta ókunnuga fólk á ljósmyndum albúmanna. Friðgeir segir alúð hafa verið setta í að setja saman myndaalbúmið og vildi því freista þess að skila því.Í belgískum smábæ í paranoju „Fyrst þegar ég skoðaði myndirnar í albúmunum, þá var þetta bara eitthvert fólk. En eftir því sem maður skoðar oftar og betur þá myndar maður einhvers konar tengsl við fólkið. Ekki eins og fjölskyldubönd, það væri skrýtið. Heldur einhverskonar bönd. Þetta er auðvitað undarlegt því þessi tengsl eru algjörlega einhliða.“ Friðgeir fór í framhaldinu til Belgíu með myndaalbúmin til þess að rekja slóðina. Það kom honum þægilega á óvart hversu vel honum var tekið. „Mér leið stundum eins og eltihrelli og var hræddur um að vera tekinn sem slíkur. Þegar hringurinn var farinn að þrengjast var ég kominn í lítinn belgískan bæ. Þar gekk ég um í paranojuástandi en það kom mér á óvart hvað fólk tók uppátæki mínu vel. Því fannst þetta forvitnilegt og áhugavert verkefni. Ég gætti þess að vera nærgætinn í öllum samskiptum við fólk, kannski var ég of mikið til baka. Ég veit ekki hvort blaðasnápur hefði gengið vasklegar fram. En mér fannst þetta einfaldlega allt saman mjög óþægilegt,“ segir Friðgeir. „Þetta voru það persónulegar myndir að það var skrýtið og viðkvæmt að ég, ókunnugur maður, væri á annað borð með þær.“Friðgeir ræðir um myndirnar og ferlið við að hafa uppi á eiganda albúmanna. Snorri Helgason er honum til halds og trausts.Mynd/Owen FieneLífið er hér og nú Friðgeir komst að því hvers vegna myndaalbúmunum var hent og fjallar meðal annars um það í verki sínu, Club Romantica. „Á endanum komu örlög þessa fólks í ljós. Og þá meikaði sens að myndaalbúmunum var hent. Það voru ekki mistök. Það var ástæða fyrir því sem áhorfendur komast að í leikritinu.“ Myndaalbúmin eru hluti af leikmunum í leikritinu. „Ég sýni myndir úr þeim og rek niðurstöðu mína, áður og eftir að ég fór í þennan leiðangur.“ Friðgeir segir aðspurður vinnslu við verkið hafa verið þroskandi. „Ég þurfti að fara yfir þægindaþröskuldinn og lærði líka ýmislegt um lífið. Um hvað það er, hvað maður ætti að leggja áherslu á. Maður tekur ljósmyndir og reynir að safna minningum en svo hverfur það bara. Maður er brosandi á einni mynd en 20 árum seinna er eitthvað allt annað upp á teningnum. Ég veit að það er klisja en maður verður að njóta augnabliksins, lífið er hér og nú,“ segir Friðgeir. Club Romantica verður frumsýnt í Borgarleikhúsinu þann 28. febrúar næstkomandi. Með honum á sviðinu verður Snorri Helgason, tónlistarmaður, sem semur tónlist verksins. Pétur Ármannson er leikstjóri, Brynja Björnsdóttir hannar leikmynd og búninga, Ásrún Magnúsdóttir sér um sviðshreyfingar og ljósahönnun annast þeir Ólafur Ágúst Stefánsson og Pálmi Jónsson.Friðgeir kominn til Belgíu þar sem hann rakti slóðina til enda. Í albúminu er að finna mynd af nýgiftum hjónum árið 1985 fyrir framan þessa kirkju í Tervuren. Birtist í Fréttablaðinu Leikhús Mest lesið „Fróunarklefinn“, versti leikstjóri heims og Teslu-skömmin Lífið Vill kynlíf en ekki samband Lífið „Var ekkert búin að reikna saman þessi laun“ Lífið Forsetahjónin, Elísabet Jökuls og Hugleikur létu sig ekki vanta Lífið Rekur heimili fyrir unglingsmæður í Kenía fyrir hálfa milljón á mánuði Lífið Jennifer Lawrence orðin tveggja barna móðir Lífið „Ég held ég sé með niðurgang“ Lífið Fordæmd ást kúrekanna á fjallinu Menning Vörur sem flugfreyjur kaupa í Bandaríkjunum Lífið Biður drottninguna að blessa heimilið Tíska og hönnun Fleiri fréttir „Fróunarklefinn“, versti leikstjóri heims og Teslu-skömmin Vill kynlíf en ekki samband „Var ekkert búin að reikna saman þessi laun“ Jennifer Lawrence orðin tveggja barna móðir Forsetahjónin, Elísabet Jökuls og Hugleikur létu sig ekki vanta „Ég held ég sé með niðurgang“ Rekur heimili fyrir unglingsmæður í Kenía fyrir hálfa milljón á mánuði Steldu stílnum af heimili Svönu Lovísu Hollt veisluhlaðborð sem er lygilega bragðgott og girnilegt Stjörnulífið: Eddan, rauðar blúndur og afmæli í París VÆB-bræður fyrstir á svið í Eurovision Vörur sem flugfreyjur kaupa í Bandaríkjunum Stefán Einar og Sara Lind selja parhúsið Richard Chamberlain er látinn Úr svefnherbergispoppi í drum-n-bass: „Fólkið var ógeðslega mikið að fíla þetta“ „Þarna brotnaði ég bara niður og grét og grét“ Krakkatían: Andrés Önd, Bubbi Morthens og ballett Adolescence: Börn ekki lengur örugg ein inni í herbergi Halda tíu tíma maraþontónleika Löng fangelsisvist blasir við popparanum Áhrifavaldar og þingmenn ræddu kærleikann „Þetta má ekki vera feimnismál“ „Ástarsorg er best í heimi“ Fréttatía vikunnar: Eddan, rektorskjör og mannanafnanefnd Fólk spyrji um veganisma af forvitni frekar en til að vera með leiðindi Fimm tíma morgunrútínan sem allir eru að tala um Eiginkona rafrettukóngs keypti eitt dýrasta einbýlishús Garðabæjar Dóttir Fox og Kelly komin í heiminn „Þetta var ekki alið upp í mér“ Hefur miklar áhyggjur af auknum vopnaburði barna Sjá meira
Listamaðurinn Friðgeir Einarsson frumsýnir nýtt leikverk í Borgarleikhúsinu í næstu viku. Verkið kallast Club Romantica. Í því greinir hann frá tilraunum sínum til að skila persónulegum myndaalbúmum sem hann keypti á flóamarkaði til upprunalegs eiganda. Hann reyndi að hafa uppi á konunni og fór á slóð myndanna til Mallorca og Belgíu. Fyrir meira en áratug var Friðgeir Einarsson staddur í Brussel. Hann átti afmæli og brá sér á flóamarkað og rakst þar á tvö myndaalbúm sem voru til sölu. „Ég keypti myndaalbúmin og settist seinna niður með þau og skoðaði myndirnar. Albúmin tilheyrðu konu sem hafði farið tvisvar í frí til Mallorca og dvalið í sumarhúsabyggðinni Club Romantica fyrir fjörutíu árum og síðar gifst manni í Belgíu,“ segir Friðgeir sem fannst forvitnilegt að þessi persónulegu myndaalbúm hefðu verið til sölu.Úr myndaalbúmunum sem Friðgeir keypti á flóamarkaði í Brussel.„Þarna voru svo margar minningar einnar manneskju. Mér fannst ótrúlegt að þessu hefði öllu verið hent. Ég gerði að minnsta kosti ráð fyrir því að þannig hefðu myndaalbúmin ratað á flóamarkaðinn,“ segir Friðgeir sem varð forvitinn um líf þessarar konu. „Ósjálfrátt fór ég að púsla saman sögu konunnar út frá þessum gögnum. Búa mér til hugmyndir um manneskjuna og annað fólk sem var með henni á myndunum og hvernig það tengdist henni.“Rakti slóðina Það liðu hins vegar mörg ár þar til Friðgeir fékk þá hugmynd að vinna verk tengt myndaalbúmunum og örlögum konunnar. „Einhver hafði vandað til verks við að setja saman albúmin. Mér fannst liggja beinast við að freista þess að skila þeim. Til þess þurfti ég að hafa uppi á konunni,“ segir Friðgeir. Hann vissi það að konan fór tvisvar til Mallorca í sumarhúsabyggð á eyjunni. Þótt fjörutíu ár væru liðin frá því að konan fór þangað í frí þá ákvað Friðgeir að fara á hennar slóðir. „Ég fór bara einn til Mallorca með myndaalbúm í fanginu. Ég vissi fyrir fram að það var ekki mikil von um að finna þar einhverjar vísbendingar, en það var glettilega ódýrt að fljúga. Auðvitað voru ekki til nein sérstök gögn um ferðamenn, en ég var líka kominn til Mallorca til þess að finna svolítið fílinginn. Ég var búinn að skoða þennan stað svo oft á myndum og fannst pínulítið eins og ég væri að koma aftur, mörgum árum seinna, og sjá breytingarnar sem höfðu orðið með tímanum,“ segir Friðgeir og segist hafa byrjað að mynda tengsl við þetta ókunnuga fólk á ljósmyndum albúmanna. Friðgeir segir alúð hafa verið setta í að setja saman myndaalbúmið og vildi því freista þess að skila því.Í belgískum smábæ í paranoju „Fyrst þegar ég skoðaði myndirnar í albúmunum, þá var þetta bara eitthvert fólk. En eftir því sem maður skoðar oftar og betur þá myndar maður einhvers konar tengsl við fólkið. Ekki eins og fjölskyldubönd, það væri skrýtið. Heldur einhverskonar bönd. Þetta er auðvitað undarlegt því þessi tengsl eru algjörlega einhliða.“ Friðgeir fór í framhaldinu til Belgíu með myndaalbúmin til þess að rekja slóðina. Það kom honum þægilega á óvart hversu vel honum var tekið. „Mér leið stundum eins og eltihrelli og var hræddur um að vera tekinn sem slíkur. Þegar hringurinn var farinn að þrengjast var ég kominn í lítinn belgískan bæ. Þar gekk ég um í paranojuástandi en það kom mér á óvart hvað fólk tók uppátæki mínu vel. Því fannst þetta forvitnilegt og áhugavert verkefni. Ég gætti þess að vera nærgætinn í öllum samskiptum við fólk, kannski var ég of mikið til baka. Ég veit ekki hvort blaðasnápur hefði gengið vasklegar fram. En mér fannst þetta einfaldlega allt saman mjög óþægilegt,“ segir Friðgeir. „Þetta voru það persónulegar myndir að það var skrýtið og viðkvæmt að ég, ókunnugur maður, væri á annað borð með þær.“Friðgeir ræðir um myndirnar og ferlið við að hafa uppi á eiganda albúmanna. Snorri Helgason er honum til halds og trausts.Mynd/Owen FieneLífið er hér og nú Friðgeir komst að því hvers vegna myndaalbúmunum var hent og fjallar meðal annars um það í verki sínu, Club Romantica. „Á endanum komu örlög þessa fólks í ljós. Og þá meikaði sens að myndaalbúmunum var hent. Það voru ekki mistök. Það var ástæða fyrir því sem áhorfendur komast að í leikritinu.“ Myndaalbúmin eru hluti af leikmunum í leikritinu. „Ég sýni myndir úr þeim og rek niðurstöðu mína, áður og eftir að ég fór í þennan leiðangur.“ Friðgeir segir aðspurður vinnslu við verkið hafa verið þroskandi. „Ég þurfti að fara yfir þægindaþröskuldinn og lærði líka ýmislegt um lífið. Um hvað það er, hvað maður ætti að leggja áherslu á. Maður tekur ljósmyndir og reynir að safna minningum en svo hverfur það bara. Maður er brosandi á einni mynd en 20 árum seinna er eitthvað allt annað upp á teningnum. Ég veit að það er klisja en maður verður að njóta augnabliksins, lífið er hér og nú,“ segir Friðgeir. Club Romantica verður frumsýnt í Borgarleikhúsinu þann 28. febrúar næstkomandi. Með honum á sviðinu verður Snorri Helgason, tónlistarmaður, sem semur tónlist verksins. Pétur Ármannson er leikstjóri, Brynja Björnsdóttir hannar leikmynd og búninga, Ásrún Magnúsdóttir sér um sviðshreyfingar og ljósahönnun annast þeir Ólafur Ágúst Stefánsson og Pálmi Jónsson.Friðgeir kominn til Belgíu þar sem hann rakti slóðina til enda. Í albúminu er að finna mynd af nýgiftum hjónum árið 1985 fyrir framan þessa kirkju í Tervuren.
Birtist í Fréttablaðinu Leikhús Mest lesið „Fróunarklefinn“, versti leikstjóri heims og Teslu-skömmin Lífið Vill kynlíf en ekki samband Lífið „Var ekkert búin að reikna saman þessi laun“ Lífið Forsetahjónin, Elísabet Jökuls og Hugleikur létu sig ekki vanta Lífið Rekur heimili fyrir unglingsmæður í Kenía fyrir hálfa milljón á mánuði Lífið Jennifer Lawrence orðin tveggja barna móðir Lífið „Ég held ég sé með niðurgang“ Lífið Fordæmd ást kúrekanna á fjallinu Menning Vörur sem flugfreyjur kaupa í Bandaríkjunum Lífið Biður drottninguna að blessa heimilið Tíska og hönnun Fleiri fréttir „Fróunarklefinn“, versti leikstjóri heims og Teslu-skömmin Vill kynlíf en ekki samband „Var ekkert búin að reikna saman þessi laun“ Jennifer Lawrence orðin tveggja barna móðir Forsetahjónin, Elísabet Jökuls og Hugleikur létu sig ekki vanta „Ég held ég sé með niðurgang“ Rekur heimili fyrir unglingsmæður í Kenía fyrir hálfa milljón á mánuði Steldu stílnum af heimili Svönu Lovísu Hollt veisluhlaðborð sem er lygilega bragðgott og girnilegt Stjörnulífið: Eddan, rauðar blúndur og afmæli í París VÆB-bræður fyrstir á svið í Eurovision Vörur sem flugfreyjur kaupa í Bandaríkjunum Stefán Einar og Sara Lind selja parhúsið Richard Chamberlain er látinn Úr svefnherbergispoppi í drum-n-bass: „Fólkið var ógeðslega mikið að fíla þetta“ „Þarna brotnaði ég bara niður og grét og grét“ Krakkatían: Andrés Önd, Bubbi Morthens og ballett Adolescence: Börn ekki lengur örugg ein inni í herbergi Halda tíu tíma maraþontónleika Löng fangelsisvist blasir við popparanum Áhrifavaldar og þingmenn ræddu kærleikann „Þetta má ekki vera feimnismál“ „Ástarsorg er best í heimi“ Fréttatía vikunnar: Eddan, rektorskjör og mannanafnanefnd Fólk spyrji um veganisma af forvitni frekar en til að vera með leiðindi Fimm tíma morgunrútínan sem allir eru að tala um Eiginkona rafrettukóngs keypti eitt dýrasta einbýlishús Garðabæjar Dóttir Fox og Kelly komin í heiminn „Þetta var ekki alið upp í mér“ Hefur miklar áhyggjur af auknum vopnaburði barna Sjá meira