Fljúgandi bangsi réði úrslitum í körfuboltaleik | Myndband

Stuðningsmaður Georgia-háskólans fær líklega ekki að mæta á körfuboltaleiki skólans næstu árin eftir að hafa sýnt af sér ótrúlega heimsku.

Leikurinn var jafn, 67-67, þegar 0,5 sekúndur voru eftir af leiknum. Leikmaður Mississippi State var á vítalínunni þegar stuðningsmaður Georgia kastar bangsa inn á völlinn.

Óíþróttamannsleg villa dæmd á Georgia og annað vítaskot til Mississippi. Það vítaskot dugði til þess að tryggja liðinu sigur. Vítaskot sem liðið hefði aldrei fengið ef bangsinn hefði ekki komið fljúgandi inn á völlinn.

With 0.5 seconds to play in a tie game, a fan tossed a stuffed animal onto the court in Georgia.

The Bulldogs were assessed a technical foul. Mississippi St made the FT, and won the game. Wow  pic.twitter.com/7PNheymQrp

— SportsCenter (@SportsCenter) February 21, 2019

„Ég hef aldrei séð svona áður,“ sagði kolbrjálaður þjálfari Georgia eftir leikinn. Skiljanlega brjálaður.

Vænta má að þessi glórulausi stuðningsmaður hafi átt fótum sínum fjör að launa eftir leik. Hann ætti líklega að horfa næst í sjónvarpinu.