Dæmdur í 80 leikja bann

Forráðamenn MLB-hafnaboltadeildarinnar í Bandaríkjunum taka orðið mjög hart á lyfjabrotum innan deildarinnar.

Nýjasta dæmið um það kom í dag er Steven Wright, leikmaður Boston Red Sox, var dæmdur í hvorki meira né minna en 80 leikja bann fyrir steranotkun.

Það er ekki margra leikja bann enda er tímabilið 162 leikir. Þetta er engu að síður langt bann enda spannar það hálft tímabilið. Wright sagðist eðlilega ekki hafa hugmynd um hvernig sterinn komst í líkama hans en tók samt á sig sökina og ætlar ekki að áfrýja.

Red Sox hafði heldur ekkert út á bannið að setja og sagðist styðja lyfjanefnd deildarinnar og hennar störf.