Engin ný mislingatilfelli hafa verið greind hér á landi og er því heildarfjöldi smita enn fimm staðfest smit og eitt vafatilfelli. Þetta kemur fram á vef landlæknis.
Þar segir að alls hafi verið tekin sýni hjá um 80 einstaklingum á undanförnum vikum. Þá hefur öllu bóluefni sem kom til landsins verið dreift til heilsugæslustöðva um land allt en upplýsingar um framkvæmd bólusetninga má finna á vef einstakra stöðva. Upplýsingar um forgangshópa má finna hér.
„Ekki hafa komið upp nein vandamál við framkvæmd bólusetninga svo vitað sé. Stöðufundur verður haldinn með umdæmis- og svæðislæknum í fyrramálið, þriðjudaginn 19.mars,“ segir á vef landlæknis.
Engin ný mislingatilfelli
Tengdar fréttir
Mislingafaraldur vakti landsmenn líklega til umhugsunar
Mikill gangur hefur verið í bólusetningum eftir að mislingar fóru að gera vart við sig um miðjan febrúar. Ráðist var í bólusetningarátak um helgina.
Á tánum þrátt fyrir ekkert staðfest nýsmit
Hvert nýtt tilfelli mislinga færir viðbragðsstöðu heilbrigðisyfirvalda aftur um þrjár vikur. Svo virðist sem ekki séu til miklar birgðir af bóluefni í Evrópu. Sóttvarnalæknir segir alla hafa staðið sig vel í að berjast gegn faraldri.
Ekki greinst ný mislingasmit
Tíu þúsund skammtar af bóluefni eru komnir í dreifingu á heilbrigðisstofnanir um land allt.
