Fótbolti

Kolbeinn orðinn leikmaður AIK

Ingvi Þór Sæmundsson skrifar
Kolbeinn hefur skorað 23 mörk fyrir íslenska landsliðið.
Kolbeinn hefur skorað 23 mörk fyrir íslenska landsliðið. vísir/getty
Kolbeinn Sigþórsson er genginn í raðir Svíþjóðarmeistara AIK. Samningur Kolbeins við félagið gildir til ársloka 2021.

Samningi Kolbeins við Nantes var rift fyrr í mánuðinum og hann er nú búinn að finna sér nýtt félag.

Kolbeinn mun leika í treyju númer 30 hjá AIK sem gerði markalaust jafntefli við Östersunds í 1. umferð sænsku úrvalsdeildarinnar í dag.

Kolbeinn gekk í raðir Nantes sumarið 2015 en lék aðeins 33 leiki með franska liðinu og skoraði fjögur mörk. Hann hefur lítið sem ekkert leikið frá EM 2016 vegna meiðsla.

Næsti leikur AIK er gegn Norrköping eftir viku.

Fótbolti á Norðurlöndum

Mest lesið


Fleiri fréttir

Sjá meira


×

Mest lesið