Dortmund nýtti sér mistök Bayern | Slæmt tap hjá Augsburg

Paco Alcácer skoraði bæði mörk Borussia Dortmund í 2-0 sigri á Wolfsburg í þýsku úrvalsdeildinni í dag.

Spánverjinn kom Dortmund yfir á lokamínútunni og bætti svo öðru marki við í uppbótartíma eftir sendingu frá Jadon Sancho.

Dortmund er nú með tveggja stiga forskot á toppi deildarinnar því á sama tíma gerði Bayern München jafntefli við Freiburg á útivelli, 1-1. Robert Lewandowski skoraði mark Bæjara.

Alfreð Finnbogason var í byrjunarliði Augsburg sem tapaði 3-0 fyrir Nürnberg á útivelli. Íslenski landsliðsframherjinn var tekinn af velli í hálfleik.

Augsburg er í 14. sæti deildarinnar með 25 stig, fimm stigum frá fallsæti.

Úrslit dagsins:

Dortmund 2-0 Wolfsburg

Freiburg 1-1 Bayern München

Nürnberg 3-0 Augsburg

Düsseldorf 3-1 Mönchengladbach

Werder Bremen 3-1 Mainz