Kristinn framlengir við Njarðvík

Njarðvíkingar halda áfram að ganga frá lausum endum fyrir komandi tímabil í Dominos-deild karla.

Nú hefur Kristinn Pálsson framlengt samningi sínum við Njarðvíkinga út næstu leiktíð. Logi Gunnarsson, Maciej Baginski og Jón Arnór Sverrisson höfðu áður skrifað undir nýjan samning við félagið.

Kristinn er 21 árs gamall og þótti lengi eitt mesta efni Íslendinga í íþróttinni.

Hann náði sér þó ekki alveg á strik síðasta vetur þar sem hann var með 6 stig, 3,6 fráköst og 1,6 stoðsendingu að meðaltali í leik.