Starfsmenn Ríkisútvarpsins á dansskónum í Austurbæ

Vésteinn Örn Pétursson skrifar 5. maí 2019 11:03

Margt var um manninn á greinilega fjörugri árshátíð. @gudrun_soley/instagram

Árshátíð Ríkisútvarpsins var haldin með pompi og prakt í Austurbæjarbíói í gærkvöldi. Miklu var til tjaldað og þótti árshátíðin hin glæsilegasta.

Mið-Íslendingurinn Jóhann Alfreð Kristinsson fór með veislustjórn kvöldsins. Þá skemmti uppistandarinn ungi Jakob Birgisson árshátíðargestum með góðu gríni. Hljómsveitin Bandmenn lék loks fyrir dansi eftir að gestir höfðu lokið við kvöldverðinn.

Maturinn sem boðið var upp á var í takt við skemmtidagskrána, og þannig langt frá því að vera af verri endanum. Í forrétt var „rjúkandi súpuskot sem rífur í“ ásamt steinbökuðu brauði. Í aðalrétt bauðst svo val á milli hægeldaðrar nautalundar með rauðvínssósu eða grillaðs eggaldins með brenndri pestófyllingu. Báðum réttum fylgdi eitthvert meðlæti sem ekki verður tíundað hér.

Í eftirrétt var svo boðið upp á hið sígilda kombó, kaffi og konfekt.

Hér að neðan má sjá nokkrar Instagram-myndir árshátíðargesta, merktar með opinberu myllumerki árshátíðarinnar, #ruv19.

View this post on Instagram
Love her #imwithher #sisters #ruv19

A post shared by Alma Ómarsdóttir (@almaomars) on May 4, 2019 at 2:53pm PDT

Fréttasysturnar Alma og Lára Ómarsdætur.

View this post on Instagram
Ég og mitt krú, árshátíð RÚV #ruv19

A post shared by Guðrún Sóley (@gudrun_soley) on May 4, 2019 at 2:56pm PDT

Atli Már Steinarsson, umsjónarmaður Rabbabarans, Bergsteinn Sigurðsson, umsjónarmaður Menningarinnar, Vera Illugadóttir, morgunútvarpskona og hlaðvarpsstjarna, og Guðrún Sóley Gestsdóttir, umsjónarkona Menningarinnar.