Guardiola: City hefur ekki efni á Griezmann

Manchester City mun ekki gera kauptilboð í Antoine Griezmann því hann er of dýr sagði léttur Pep Guardiola.

Guardiola var að ræða við blaðamenn fyrir bikarúrslitaleik Manchester City og Watford í dag.

Hann var spurður út í Griezmann, en franski heimsmeistarinn tilkynnti það á dögunum að hann væri á förum frá Atletico Madrid. Barcelona hefur verið líklegasti áfangastaður Griezmann en City er sagt hafa áhuga.

„Við fólkið í Barcelona segi ég: Ekki hafa áhyggjur, Manchester City mun ekki kaupa Antoine Griezmann, við eigum ekki efni á honum,“ sagði Guardiola léttur í lund.

Hann bætti svo við að City hefði ekki áhuga á Griezmann.