„Erum að fara spila við Portúgal, ekki Cristiano Ronaldo“

Virgil Van Dijk verður í eldlínunni með Hollandi annað kvöld er liðið mætir Portúgal í fyrsta úrslitaleik í sögu Þjóðadeildarinnar. Flautað verður til leiks klukkan 18.45.

Van Dijk var í viðtölum fyrir leikinn í dag og þar var hann spurður út í það hvað honum finndist um það að mæta einum besta knattspyrnumanni heims, Cristiano Ronaldo.

„Við erum að fara spila við Portúgal, ekki Cristiano Ronaldo,“ sagði Hollendingurinn hvass við blaðamanninn.

'We play Portugal, not Cristiano Ronaldo!'

@VirgilvDijk previews @OnsOranje's @UEFAEuro Nations League final vs @SelecaoPortugal.

Looking for another trophy. pic.twitter.com/pJaBERgAzS

— SPORF (@Sporf) June 8, 2019

„Þeir eru með mjög gott lið og þetta verður erfitt. Við munum undirbúa okkur vel og svo munum við sjá til.“

„Þeir eru með frábæra leikmenn og eru bæði með reynslu og einnig unga leikmenn. Við verðum að vera klárir og ég held að við verðum það.“