Sjáðu mörkin sem gerðu út um titilvonir Englendinga

Hollendingar mæta Portúgal í fyrsta úrslitaleik Þjóðadeildar UEFA eftir sigur á Englandi í framlengdum leik í undanúrslitunum í kvöld.

Marcus Rashford skoraði fyrsta mark leiksins úr vítaspyrnu en Matthijs de Ligt jafnaði fyrir Hollendinga í seinni hálfleik.

Jesse Lingard virtist hafa tryggt Englendingum sigurinn undir lok venjulegs leiktíma en mark hans var dæmt af vegna rangstöðu eftir myndbandsdómgæslu.

Í framlengingunni gerðu Englendingar sig seka um slæm mistök í varnarleiknum sem kostuðu tvö mörk og Holland vann leikinn 3-1.

Mörkin má sjá hér að neðan.