TFK og Víkingur Íslandsmeistarar í liðakeppni

Víkingur og Tennisfélag Kópavogs eru Íslandsmeistarar í liðakeppni í tennis, en Íslandsmótið í liðakeppni fór fram síðustu daga í Víkinni.

Anna Soffía Grönholm og Selma Dagmar Óskarsdóttir úr TFK stóðu uppi sem sigurvegarar í tvíliðaleik eftir 9-4 sigur á Evu Diljá Arnþórsdóttur og Rán Chester úr Víkingi.

Anna Soffía vann keppni í einliðaleik gegn Rán og Selma hafði betur gegn Evu svo TFK vann keppnina í kvennaflokki 3-0.

Karlalið Víkings hafði einnig 3-0 sigur gegn Hafna- og mjúkboltafélagi Reykjavíkur.

Björgvin Atli Júlíusson og Raj K. Bonifacius unnu Erik Larsson og Rares Hidi í tvíliðaleik 9-1.

Björgvinn vann Rares örugglega í einliðaleik 6-0 og 6-0 og Bonifacius hafði betur gegn Larsson.