PSG kaupir varnarmann frá Dortmund

Franska stórveldið PSG hefur gengið frá kaupum á franska varnarmanninum Abdou Diallo sem kemur til félagsins eftir aðeins eins árs veru hjá Borussia Dortmund í þýska boltanum.

PSG borgar 32 milljónir evra fyrir þennan 23 ára gamla miðvörð en hann gerir fimm ára samning við félagið.

Diallo á landsleiki að baki fyrir öll yngri landslið Frakklands og var í þokkalega stóru hlutverki hjá Dortmund á síðustu leiktíð þar sem hann spilaði 22 leiki í þýsku Bundesligunni eftir að hafa komið frá Mainz fyrir 27 milljónir evra síðasta sumar.

Parísarliðið hefur verið nokkuð rólegt á leikmannamarkaðnum hingað til. Pedro Sarabia er kominn frá Sevilla fyrir 18 milljónir evra og þá náði PSG að klófesta Ander Herrera sem var samningslaus.

Le Paris Saint-Germain est heureux d'annoncer l'arrivée d'Abdou Diallo au sein du club !#WelcomeAbdou pic.twitter.com/wtgWZsf7nQ

— Paris Saint-Germain (@PSG_inside) July 16, 2019