Stórskemmtilegur opnunarleikur í Championship-deildinni

Luton Town og Middlesbrough gerðu 3-3 jafntefli í opnunarleik Championship-deildarinnar er liðin mættust á Kenilworth Road-leikvanginum í Luton í kvöld.

Mikill hraði var í leiknum frá upphafi og fyrsta markið kom strax á sjöundu mínútu er Middlesbrough komst yfir með marki Ashley Fletcher. Tíu mínútum síðar jöfnuðu heimamenn með marki Sonny Bradley.

Nýliðarnir í B-deildinni voru komnir í 2-1 er 24 mínútur voru komnar á klukkuna en Birtt Assombalonga jafnaði metin á 38. mínútu og allt var jafnt í hálfleik, 2-2.

What a game!

Luton and Middlesbrough get the season off to a flying start with a hugely entertaining 3-3 draw.

Reaction: https://t.co/jhIrpRoAe2pic.twitter.com/SNgvDwL8Hu

— BBC Sport (@BBCSport) August 2, 2019

Lewis Wing virtist vera að tryggja Middlesbrough sigurinn á 68. mínútu er hann kom Middlesbrough í 3-2 og Britt Assombalonga fékk gullið tækifæri til að koma þeim í 4-2 en vítaspyrna hans fór forgörðum.

Dramatíkinn var ekki lokið því fimm mínútum fyrir leikslok jafnaði James Collins eftir darraðadans í vítateig Middlesbrough og lokatölur 3-3. Frábær opnunarleikur í Championship-deildinni.