Spurning vikunnar: Hver er fyrsta manneskjan sem þú leitar til þegar þér líður illa?

Þegar eitthvað bjátar á, hver er þá fyrsta manneskjan sem þú leitar til?

Það getur auðvitað verið misjafnt eftir því hvað það er sem er að hrjá okkur hverju sinni hvert við leitum en oft er það einhver einn sem að við ósjálfrátt hringjum í fyrst.  

Það er mjög misjafnt hvaða hlutverk maki hefur í okkar augum þegar kemur að því að þurfa að létta á sér. Sumir gætu verið jafnvel hræddir við það að íþyngja makanum sínum meðan aðrir vita að þeir fá alltaf hvatningu og stuðning. Allt fer þetta eftir eðli sambandsins og hversu opin við kjósum að vera hvort við annað. 

Það að leita til einhvers þarf alls ekki að flokkast sem kvart og kvein heldur erum við í flestum tilvikum að leita eftir skilningi, stuðningi eða hvatningu.

Það fer að öllum líkindum eftir viðmótinu sem þú færð frá manneskjum í kringum þig hvert þér finnst best að leita. 

Er það vinur, vinkona, foreldri eða jafnvel makinn þinn. 

Ef þú veist að þú munt bara fá gagnrýni eða tuð þá forðastu líklegast að opna þig við þá manneskju. 

Spurning vikunnar á við fólk sem er í sambandi: 

Hver er fyrsti sem þú leitar til þegar þér líður illa?