Lionel Messi er besti leikmaður heims að mati FIFA, en hann var útnefndur leikmaður ársins á verðlaunahófi alþjóðaknattspyrnusambandsins í kvöld.
Messi hafði betur gegn Cristiano Ronaldo og Virgil van Dijk í baráttunni um verðlaunin.
Þetta er í sjötta skipti sem Messi er valinn besti leikmaður heims.
Best kvenna var valin Megan Rapinoe, fyrirliði bandaríska landsliðsins sem varð heimsmeistari í sumar.
Knattspyrnustjóri Liverpool, Jurgen Klopp, var valinn þjálfari ársins. Allir þjálfararnir sem tilnefndir voru komu frá Englandi, hinir voru Pep Guardiola stjóri Manchester City og Mauricio Pochettino stjóri Tottenham.
Alisson var valinn markmaður ársins og hinn átján ára gamli Daniel Zsori fékk Puskas verðlaunin fyrir besta mark tímabilsins. Mark hans skoraði hann fyrir Debrecen í ungversku deildinni með hjólhestaspyrnu í uppbótartíma.
Í liði ársins voru tveir leikmenn frá Evrópumeistaraliði Liverpool, fjórir frá Real Madrid, tveir frá bæði Barcelona og Juventus og einn frá PSG.
Lið ársins:
Alisson, Liverpool
Matthijs de Ligt, Ajax og Juventus
Sergio Ramos, Real Madrid
Virgil van Dijk, Liverpool
Marcelo, Real Madrid
Luka Modric, Real Madrid
Frenkie de Jong, Ajax og Barcelona
Eden Hazard, Chelsea og Real Madrid
Kylian Mbappe, PSG
Cristiano Ronaldo, Juventus
Lionel Messi, Barcelona
Messi leikmaður ársins að mati FIFA
Ástrós Ýr Eggertsdóttir skrifar

Mest lesið

„Ljótasta tækling ársins komin í íslenska boltanum“
Íslenski boltinn

Danski dómarinn aftur á börum af velli
Handbolti


David Raya bjargaði stigi á Old Trafford
Enski boltinn





„Þetta félag mun aldrei deyja“
Enski boltinn

Cucurella sendi Chelsea upp fyrir meistarana
Enski boltinn