Sexí saxi með bíótónum Andreu Þórarinn Þórarinsson skrifar 16. október 2019 22:00 Andrea Gylfadóttir. Andrea Gylfadóttir hefur af og til á síðustu árum sungið við miklar vinsældir lög úr sígildum kvikmyndum við undirleik Bíóbandsins. Hún hefur nú vetursetu á Akureyri annað árið í röð þar sem hún kennir við Tónlistarskóla Akureyrar. Fyrir norðan er hún umkringd úrvalstónlistarfólki, heilli sinfóníuhljómsveit og úrvalshljóðfæraleikurum úr röðum gamalla og nýrra vina og kunningja. Hún ætlar því að sæta færis um næstu helgi og sprengja Bíóbandspælinguna út í nýja og stærri vídd. „Ég var í Bíóbandinu og það er vonandi enn til en við spiluðum tónlist úr kvikmyndum og lög sem eru samin sérstaklega fyrir bíó og þemað er það sama hérna núna,“ segir Andrea sem ætlar að syngja rómuð lög eins og James Bond-lagið Goldfinger og Calling You úr Bagdad Cafe. „Og lög eftir svona mógúla úr kvikmyndatónlistarbransanum eins og Quincy Jones, Ennio Morricone og Henry Mancini,“ sagði Andrea þegar Fréttablaðið náði í skottið á henni á milli kennslustunda.Stórt skref á glæsilegum ferli Þorvaldur Bjarni Þorvaldsson, félagi Andreu úr Todmobile, hefur einnig haslað sér völl fyrir norðan þar sem hann er tónlistarstjóri Menningarfélags Akureyrar. „Andrea er að stíga það merka skref á sínum glæsilega ferli að syngja heila tónleika með Sinfóníuhljómsveit Norðurlands,“ segir Þorvaldur býsna ánægður með vinkonu sína og sinfóníuhljómsveitina.Tónleikarnir verða í Hofi, menningarhúsi Akureyrar.Það er ekki nóg með að Andrea hafi sér til fulltingis í það minnsta 25 manna hljómsveit og bakraddir heldur er hún umkringd gömlum vinum og nýjum sem allir skara fram úr hver á sínu hljóðfæri. Þannig mun „saxófónsnillingurinn“ Pillip Doyle keyra tónaflóðið áfram með henni en Andrea segir þennan bandaríska samkennara sinn í Tónlistarskólanum vera mikinn happafeng. „Hann var hérna í fyrra líka og ég kynntist honum þá þótt hann hefði ekki verið að kenna og við höfum verið að spila svolítið saman frá því að hann kom. Hann er alger happafengur.“Þokkafullir tónar Saxófónninn er vitaskuld magnað hljóðfæri sem lyftir allri tónlist í æðra veldi þegar vel er í hann blásið og aðspurð segir Andrea að óneitanlega sé saxinn kynþokkafullur. „Saxinn er sexí, jújú. Það þarf eiginlega að bara að semja lag um þetta: „Saxinn er sexí, saxinn er sexí…“ syngur hún seiðandi í símann eins og henni einni er lagið.Þorvaldur Bjarni Þorvaldsson. Fréttablaðið/Auðunn NíelssonAndrea þarf hvorki að sækja úrvalslið sitt yfir læk eða heiði þar sem trommarinn Einar Scheving er með annan fótinn á Akureyri, bassahetjan Pálmi Gunnarsson er heimamaður sem og Kjartan Valdemarsson sem hefur útsett lögin og verður hljómsveitarstjóri á þessum sérstöku sinfóníutónleikum. Andrea segist hafa tekið sum lögin á efnisskránni áður með Bíóbandinu en eitthvað sé um frumraunir og útsetningarnar eru nýjar. „Það er svo eitthvað instrúmental inn á milli þannig að aðrir en ég fái að njóta sín, þótt ég sjái nú um bróðurpartinn af þessu,“ segir Reykjavíkurdóttirin sem unir hag sínum vel fyrir norðan og segir óljóst hvað framtíðin beri í skauti sér og hvort hún fari víðar með þessa dagskrá. „En ég kem svo í sollinn með vorinu.“ Tónleikarnir verða í Hofi á Akureyri laugardagskvöldið 19. október og hefjast klukkan 20. Akureyri Birtist í Fréttablaðinu Tónlist Mest lesið „Það er einhver sjarmi yfir París sem er ekki annarsstaðar“ Lífið Eva flutt inn í verðlaunahús Kára Lífið Ætlar í blómabað á Balí með manninum sínum Lífið Fyndnustu dýralífsmyndir ársins Lífið „Þegar menn vaða svona í fjölskylduna mína þá tek ég boxhanskana af“ Lífið Gaf langömmu tattú í afmælisgjöf Lífið Þriðja barnið á leiðinni Lífið Fréttatía vikunnar: Þingframboð, þýfi og brúarframkvæmdir Lífið Heldur ekki vatni yfir konunni sinni Lífið Íslensk börn skorti meiri aga Lífið Fleiri fréttir Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Andrea Gylfadóttir hefur af og til á síðustu árum sungið við miklar vinsældir lög úr sígildum kvikmyndum við undirleik Bíóbandsins. Hún hefur nú vetursetu á Akureyri annað árið í röð þar sem hún kennir við Tónlistarskóla Akureyrar. Fyrir norðan er hún umkringd úrvalstónlistarfólki, heilli sinfóníuhljómsveit og úrvalshljóðfæraleikurum úr röðum gamalla og nýrra vina og kunningja. Hún ætlar því að sæta færis um næstu helgi og sprengja Bíóbandspælinguna út í nýja og stærri vídd. „Ég var í Bíóbandinu og það er vonandi enn til en við spiluðum tónlist úr kvikmyndum og lög sem eru samin sérstaklega fyrir bíó og þemað er það sama hérna núna,“ segir Andrea sem ætlar að syngja rómuð lög eins og James Bond-lagið Goldfinger og Calling You úr Bagdad Cafe. „Og lög eftir svona mógúla úr kvikmyndatónlistarbransanum eins og Quincy Jones, Ennio Morricone og Henry Mancini,“ sagði Andrea þegar Fréttablaðið náði í skottið á henni á milli kennslustunda.Stórt skref á glæsilegum ferli Þorvaldur Bjarni Þorvaldsson, félagi Andreu úr Todmobile, hefur einnig haslað sér völl fyrir norðan þar sem hann er tónlistarstjóri Menningarfélags Akureyrar. „Andrea er að stíga það merka skref á sínum glæsilega ferli að syngja heila tónleika með Sinfóníuhljómsveit Norðurlands,“ segir Þorvaldur býsna ánægður með vinkonu sína og sinfóníuhljómsveitina.Tónleikarnir verða í Hofi, menningarhúsi Akureyrar.Það er ekki nóg með að Andrea hafi sér til fulltingis í það minnsta 25 manna hljómsveit og bakraddir heldur er hún umkringd gömlum vinum og nýjum sem allir skara fram úr hver á sínu hljóðfæri. Þannig mun „saxófónsnillingurinn“ Pillip Doyle keyra tónaflóðið áfram með henni en Andrea segir þennan bandaríska samkennara sinn í Tónlistarskólanum vera mikinn happafeng. „Hann var hérna í fyrra líka og ég kynntist honum þá þótt hann hefði ekki verið að kenna og við höfum verið að spila svolítið saman frá því að hann kom. Hann er alger happafengur.“Þokkafullir tónar Saxófónninn er vitaskuld magnað hljóðfæri sem lyftir allri tónlist í æðra veldi þegar vel er í hann blásið og aðspurð segir Andrea að óneitanlega sé saxinn kynþokkafullur. „Saxinn er sexí, jújú. Það þarf eiginlega að bara að semja lag um þetta: „Saxinn er sexí, saxinn er sexí…“ syngur hún seiðandi í símann eins og henni einni er lagið.Þorvaldur Bjarni Þorvaldsson. Fréttablaðið/Auðunn NíelssonAndrea þarf hvorki að sækja úrvalslið sitt yfir læk eða heiði þar sem trommarinn Einar Scheving er með annan fótinn á Akureyri, bassahetjan Pálmi Gunnarsson er heimamaður sem og Kjartan Valdemarsson sem hefur útsett lögin og verður hljómsveitarstjóri á þessum sérstöku sinfóníutónleikum. Andrea segist hafa tekið sum lögin á efnisskránni áður með Bíóbandinu en eitthvað sé um frumraunir og útsetningarnar eru nýjar. „Það er svo eitthvað instrúmental inn á milli þannig að aðrir en ég fái að njóta sín, þótt ég sjái nú um bróðurpartinn af þessu,“ segir Reykjavíkurdóttirin sem unir hag sínum vel fyrir norðan og segir óljóst hvað framtíðin beri í skauti sér og hvort hún fari víðar með þessa dagskrá. „En ég kem svo í sollinn með vorinu.“ Tónleikarnir verða í Hofi á Akureyri laugardagskvöldið 19. október og hefjast klukkan 20.
Akureyri Birtist í Fréttablaðinu Tónlist Mest lesið „Það er einhver sjarmi yfir París sem er ekki annarsstaðar“ Lífið Eva flutt inn í verðlaunahús Kára Lífið Ætlar í blómabað á Balí með manninum sínum Lífið Fyndnustu dýralífsmyndir ársins Lífið „Þegar menn vaða svona í fjölskylduna mína þá tek ég boxhanskana af“ Lífið Gaf langömmu tattú í afmælisgjöf Lífið Þriðja barnið á leiðinni Lífið Fréttatía vikunnar: Þingframboð, þýfi og brúarframkvæmdir Lífið Heldur ekki vatni yfir konunni sinni Lífið Íslensk börn skorti meiri aga Lífið Fleiri fréttir Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira