Flugslys reyndist mislukkuð kynjaafhjúpun

Lítill flugvél sem hrapaði í Texas þann 7. september átti að afhjúpa kyn ófædds barns. Bæði flugmaður og farþegi komust lífs af úr slysinu með minniháttar áverka.

Um var að ræða svokallaða áburðarflugvél og átti hún að sprauta bleiku vatni, sem átti að gefa til kynna að ófædda barnið væri stúlka. Tæplega 1400 lítrar af bleiku vatni höfðu verið settir í vélina sem átti að sprautast út fyrir framan veislugesti.

Vélin var í lítilli hæð þegar slysið átti sér stað og hafði nýlega sprautað vatninu þegar hún ætlaði að hækka flugið. Talið er að ofris hafi orðið til þess að hún hrapaði.

Flugstjórinn, hinn 49 ára gamli Raj L. Horan slapp ómeiddur en farþeginn slasaðist lítillega. Í rannsóknarskýrslu slyssins kemur fram að flugvélin hafi ekki verið hönnuð til þess að hafa tvo farþega.