Tíu ára­móta­brennur í borginni

Áramótabrennur verða á tíu stöðum í Reykjavík líkt og undanfarin ár. 

Í tilkynningu frá Reykjavíkurborg segir að eldur verði borinn að köstunum klukkan 20.30 á gamlárskvöld á öllum stöðum með tveimur undantekningum.

„Á Úlfarsfelli er tendrað kl. 15.00 um daginn og í Skerjafirði er eldur borinn að kestinum kl. 21.00 eftir blysför sem hefst kl. 20.30. 

Brennurnar eru á eftirtöldum stöðum - skoða á korti:

• Við Ægisíðu, lítil brenna.
• Í Skerjafirði gegnt Skildinganesi 48 - 52,  lítil brenna (tendrað kl. 21.00, eftir blysför sem hefst kl. 20.30).
• Við Suðurhlíðar, neðan við Fossvogskirkjugarð, lítil brenna.
• Laugardalur, fyrir neðan Laugarásveg 18,  lítil brenna.
• Geirsnef, á norðanverðu Geirsnefi, stór brenna.
• Við Suðurfell, lítil brenna.
• Við Rauðavatn að norðanverðu, stór brenna.
• Gufunes við Gufunesbæ, stór brenna.
• Við Kléberg á Kjalarnesi, lítil brenna.
• Úlfarsfell á athafnasvæði Fisfélagsins ofan við Lambhagaveg, lítil brenna (tendrað kl. 15.00)