Innlent

Sjúklingur á fertugsaldri í öndunarvél

Sylvía Hall skrifar
Fjörutíu og fjórir liggja á sjúkrahúsum vegna sjúkdómsins.
Fjörutíu og fjórir liggja á sjúkrahúsum vegna sjúkdómsins. Vísir/Vilhelm

Níu eru nú í öndunarvél hér á landi vegna kórónuveirunnar sem veldur COVID-19 sjúkdómnum, sá yngsti á fertugsaldri. Þetta kemur fram í kvöldfréttum RÚV.

Fjörutíu og fjórir liggja á sjúkrahúsum vegna sjúkdómsins og þar af tólf á gjörgæslu.

Í gær var sjúklingur sem hafði legið á gjörgæsludeild fluttur yfir á almenna deild í fyrsta skipti frá því að faraldurinn hófst. Sjúklingurinn var sá fyrsti sem lenti í öndunarvél vegna veikindanna.

Tveir hafa náðst úr öndunarvél frá því að faraldurinn hófst en alls hafa þrjátíu útskrifast af spítalanum sem höfðu legið inni vegna COVID-19. Fjórir hafa látist hér á landi en aðeins einn þeirra hafði verið tengdur við öndunarvél.

Faraldur kórónuveiru (COVID-19) Landspítalinn Heilbrigðismál

Tengdar fréttir

Laus af gjörgæslu eftir um tíu daga í öndunarvél

Landspítalinn færði sjúkling sem hafði verið í öndunarvél vegna COVID-19-sýkingar af gjörgæsludeild yfir á almenna deild í fyrsta skipti frá því að faraldurinn hófst í gær. Sjúklingurinn var jafnframt sá fyrsti sem lenti í öndunarvél vegna veikindanna. 

Tveir af ellefu náðst úr öndunarvél

Fjórir eru látnir af Covid 19 hér á landi en tveir létust í gær eftir veikindi. Ellefu eru nú á gjörgæsludeildum Landspítalans en flestir eru tengdir við öndunarvél.

Mest lesið


Fleiri fréttir

Sjá meira


×

Mest lesið