Eyddi yfir milljón á rúmum sólarhring: „Ég veit hvernig spilalífið er og það er ekki líf“ Hallgerður Kolbrún E. Jónsdóttir og Nadine Guðrún Yaghi skrifa 15. maí 2020 21:12 Stjórnarmeðlimir SÁS segja skjóta skökku við að góðgerðasamtök reki spilakassa. Vísir/Baldur Eindreginn stuðningur við lokun spilakassa samkvæmt nýrri könnun og mikill meirihluti er andvígur því að starfsemi í almannaþágu sé fjármögnuð með þeim. Bankayfirlit spilafíkils sýnir að hann eyddi rúmlega milljón á tveimur dögum. Spilakassar Íslandsspils voru opnaðir aftur í byrjun mánaðarins en þeim hafði verið lokað þegar samkomubann tók gildi í mars. 85,5 prósent þeirra sem tóku afstöðu í könnun sem Gallup gerði fyrir Samtök áhugafólks um spilafíkn vilja að spilakassar verði lokaðir til frambúðar. Úrtakið var 1529 manns og var 54,9 prósent þátttaka. Um 7 af hverjum tíu eru mjög eða frekar neikvæðir gagnvart því að starfsemi í almannaþágu sé fjármögnuð með spilakössum. Samkvæmt könnuninni stunda 750-2000 manns spilakassa hér á landi. Samtökin segja að þetta sé hópurinn sem sé á bak við milljarða tekjur sem spilakassar færa eigendum sínum árlega. „Þeir eru 3-4 sinnum meira ávanabindandi heldur en nokkuð annað fjárhættuspil,“ segir Alma Hafsteinsdóttir, formaður Samtaka áhugafólks um spilafíkn. Hér má sjá bankayfirlit spilafíkils sem spilaði fyrir rúmlega eina milljón á tveimur dögum frá klukkan ellefu um kvöld til eitt um nóttina var hann búinn að eyða 210 þúsund krónum. Daginn eftir frá klukkan 09:21 til ellefu um kvöldið eyddi hann 430 þúsund krónum. Daginn þar á eftir eyddi hann 420 þúsund krónum. Bankayfirlit spilafíkils sem eyddi rúmlega milljón í spilakössum á tveimur dögum.Vísir Alma segir þetta lýsandi fyrir hópinn. „Mín reynsla er að það fer allt. Það fer allt og rúmlega það.“ „Ég til dæmis er einn af þeim og veit um mjög marga sem hafa algerlega misst tökin á þessu. Það er alveg sama hvort að það sé þeirra peningur eða annarra,“ segir Örn Sverrisson, stjórnarmeðlimur Samtaka áhugafólks um spilafíkn. Örn er óvirkur spilafíkill til rúmlega þriggja ára og situr nú í stjórn SÁS. „Ég veit hvernig spilalífið er og það er ekki líf.“ Þau leggja til að sett verði tíma- og fjárhæðarmörk á spilakassana sem séu hannaðir til að fólk eyði meiri tíma og peningum í þá en það ætlaði sér. „Þetta getur bara ekki verið í takt við þessi mannúðar-, góðgerðasamtök sem eiga þessa kassa,“ segir Alma. „Það hafa allir þennan fjárhagslega ávinning af þessu. Rekstraraðilinn á staðnum, er hann að fara að henda þér út af því að hann sér að þú ert stjórnlaus? Aldrei,“ bætir Örn við. Þór Þorsteinsson, formaður Slysavarnafélagsins Landsbjörg, sagði í samtali við Reykjavík síðdegis í dag að félagið ásamt öðrum eigendum Íslandsspils hafi kallað eftir fundi með dómsmálaráðherrum til að fara yfir rekstrarumhverfi spilakassa ítrekað. „Við höfum svolítið rekið okkur á það að sá aðili sem er hinn aðilinn á spilakassamarkaðnum er í rauninni Háskóli Íslands sem að er ríkið, þannig að við erum svolítið búin að vera í samkeppni við ríkið í þessum bransa,“ sagði Þór. „Þegar við höfum svo stigið fram og viljað taka umræðuna um þessa hluti við ríkið þá hefur svona einhvern veginn ekki komið sá hljómgrunnur sem við höfum verið að vonast eftir.“ Hann sagði meðal þeirra leiða sem farnar eru erlendis sé notkun sérstakra korta sem tengd eru kennitölum í spilakassana sem koma í veg fyrir að fólk spili meira en fyrir ákveðnar upphæðir. Félagið væri tilbúið til að skoða slíka möguleika. Björgunarsveitir Fjárhættuspil Mest lesið Vön því að hringja í fullorðna karlmenn á fölskum forsendum Innlent Játa frelsisviptingu og rán en hafna manndrápi Innlent Aldrei kynnst neinum sem harkaði jafnmikið af sér Innlent „Ég er fimmtíu kíló, ég get ekki stoppað hann“ Innlent „Hann var hræddur, eiginlega alveg skíthræddur“ Innlent Tilgangurinn að ná í „easy money“ Innlent Yfirmaður heraflans er á móti hernámi og vill semja Erlent Hættir hjá borgarstjóra og aðstoðar nú ráðherra Innlent Hættir sem ritstjóri Kveiks Innlent Hækkar frítekjumark vegna hækkunar örorkulífeyris Innlent Fleiri fréttir Minntust Jesse í Vesturbænum: „Það er mikill söknuður af virkilega góðum dreng“ Skýr mynd dregin upp í dómsal og minningarstund Hækkar frítekjumark vegna hækkunar örorkulífeyris „Hann var hræddur, eiginlega alveg skíthræddur“ Kjaraviðræður Sinfó „stefni í rétta átt“ Stöðupróf verði skylda í öllum skólum strax í vor „Ég er fimmtíu kíló, ég get ekki stoppað hann“ Núverandi staða ekki talin vera alvarleg Vön því að hringja í fullorðna karlmenn á fölskum forsendum Opna Vesturbæjarlaug á morgun en Sundhallargestir þurfa að bíða Tilgangurinn að ná í „easy money“ Jökulhlaupið í rénun Í beinni frá héraðsdómi, unglingadrykkja og áheitakóngur Aldrei kynnst neinum sem harkaði jafnmikið af sér Hættir sem ritstjóri Kveiks Hættir hjá borgarstjóra og aðstoðar nú ráðherra Meirihluti hefur áhyggjur af laxastofninum nema í fjörðunum Jóhann tekur við af Gunnari hjá Landssambandi veiðifélaga Skýrslur teknar af tíu börnum undir sex ára á síðustu 20 árum Lögregla kölluð til vegna einstaklinga sem tjölduðu í skógarrjóðri Betra að borga tryggingarnar en að sitja uppi með allsherjartjón Játa frelsisviptingu og rán en hafna manndrápi Metaðsókn og söfnunarmet slegið 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Sjá meira
Eindreginn stuðningur við lokun spilakassa samkvæmt nýrri könnun og mikill meirihluti er andvígur því að starfsemi í almannaþágu sé fjármögnuð með þeim. Bankayfirlit spilafíkils sýnir að hann eyddi rúmlega milljón á tveimur dögum. Spilakassar Íslandsspils voru opnaðir aftur í byrjun mánaðarins en þeim hafði verið lokað þegar samkomubann tók gildi í mars. 85,5 prósent þeirra sem tóku afstöðu í könnun sem Gallup gerði fyrir Samtök áhugafólks um spilafíkn vilja að spilakassar verði lokaðir til frambúðar. Úrtakið var 1529 manns og var 54,9 prósent þátttaka. Um 7 af hverjum tíu eru mjög eða frekar neikvæðir gagnvart því að starfsemi í almannaþágu sé fjármögnuð með spilakössum. Samkvæmt könnuninni stunda 750-2000 manns spilakassa hér á landi. Samtökin segja að þetta sé hópurinn sem sé á bak við milljarða tekjur sem spilakassar færa eigendum sínum árlega. „Þeir eru 3-4 sinnum meira ávanabindandi heldur en nokkuð annað fjárhættuspil,“ segir Alma Hafsteinsdóttir, formaður Samtaka áhugafólks um spilafíkn. Hér má sjá bankayfirlit spilafíkils sem spilaði fyrir rúmlega eina milljón á tveimur dögum frá klukkan ellefu um kvöld til eitt um nóttina var hann búinn að eyða 210 þúsund krónum. Daginn eftir frá klukkan 09:21 til ellefu um kvöldið eyddi hann 430 þúsund krónum. Daginn þar á eftir eyddi hann 420 þúsund krónum. Bankayfirlit spilafíkils sem eyddi rúmlega milljón í spilakössum á tveimur dögum.Vísir Alma segir þetta lýsandi fyrir hópinn. „Mín reynsla er að það fer allt. Það fer allt og rúmlega það.“ „Ég til dæmis er einn af þeim og veit um mjög marga sem hafa algerlega misst tökin á þessu. Það er alveg sama hvort að það sé þeirra peningur eða annarra,“ segir Örn Sverrisson, stjórnarmeðlimur Samtaka áhugafólks um spilafíkn. Örn er óvirkur spilafíkill til rúmlega þriggja ára og situr nú í stjórn SÁS. „Ég veit hvernig spilalífið er og það er ekki líf.“ Þau leggja til að sett verði tíma- og fjárhæðarmörk á spilakassana sem séu hannaðir til að fólk eyði meiri tíma og peningum í þá en það ætlaði sér. „Þetta getur bara ekki verið í takt við þessi mannúðar-, góðgerðasamtök sem eiga þessa kassa,“ segir Alma. „Það hafa allir þennan fjárhagslega ávinning af þessu. Rekstraraðilinn á staðnum, er hann að fara að henda þér út af því að hann sér að þú ert stjórnlaus? Aldrei,“ bætir Örn við. Þór Þorsteinsson, formaður Slysavarnafélagsins Landsbjörg, sagði í samtali við Reykjavík síðdegis í dag að félagið ásamt öðrum eigendum Íslandsspils hafi kallað eftir fundi með dómsmálaráðherrum til að fara yfir rekstrarumhverfi spilakassa ítrekað. „Við höfum svolítið rekið okkur á það að sá aðili sem er hinn aðilinn á spilakassamarkaðnum er í rauninni Háskóli Íslands sem að er ríkið, þannig að við erum svolítið búin að vera í samkeppni við ríkið í þessum bransa,“ sagði Þór. „Þegar við höfum svo stigið fram og viljað taka umræðuna um þessa hluti við ríkið þá hefur svona einhvern veginn ekki komið sá hljómgrunnur sem við höfum verið að vonast eftir.“ Hann sagði meðal þeirra leiða sem farnar eru erlendis sé notkun sérstakra korta sem tengd eru kennitölum í spilakassana sem koma í veg fyrir að fólk spili meira en fyrir ákveðnar upphæðir. Félagið væri tilbúið til að skoða slíka möguleika.
Björgunarsveitir Fjárhættuspil Mest lesið Vön því að hringja í fullorðna karlmenn á fölskum forsendum Innlent Játa frelsisviptingu og rán en hafna manndrápi Innlent Aldrei kynnst neinum sem harkaði jafnmikið af sér Innlent „Ég er fimmtíu kíló, ég get ekki stoppað hann“ Innlent „Hann var hræddur, eiginlega alveg skíthræddur“ Innlent Tilgangurinn að ná í „easy money“ Innlent Yfirmaður heraflans er á móti hernámi og vill semja Erlent Hættir hjá borgarstjóra og aðstoðar nú ráðherra Innlent Hættir sem ritstjóri Kveiks Innlent Hækkar frítekjumark vegna hækkunar örorkulífeyris Innlent Fleiri fréttir Minntust Jesse í Vesturbænum: „Það er mikill söknuður af virkilega góðum dreng“ Skýr mynd dregin upp í dómsal og minningarstund Hækkar frítekjumark vegna hækkunar örorkulífeyris „Hann var hræddur, eiginlega alveg skíthræddur“ Kjaraviðræður Sinfó „stefni í rétta átt“ Stöðupróf verði skylda í öllum skólum strax í vor „Ég er fimmtíu kíló, ég get ekki stoppað hann“ Núverandi staða ekki talin vera alvarleg Vön því að hringja í fullorðna karlmenn á fölskum forsendum Opna Vesturbæjarlaug á morgun en Sundhallargestir þurfa að bíða Tilgangurinn að ná í „easy money“ Jökulhlaupið í rénun Í beinni frá héraðsdómi, unglingadrykkja og áheitakóngur Aldrei kynnst neinum sem harkaði jafnmikið af sér Hættir sem ritstjóri Kveiks Hættir hjá borgarstjóra og aðstoðar nú ráðherra Meirihluti hefur áhyggjur af laxastofninum nema í fjörðunum Jóhann tekur við af Gunnari hjá Landssambandi veiðifélaga Skýrslur teknar af tíu börnum undir sex ára á síðustu 20 árum Lögregla kölluð til vegna einstaklinga sem tjölduðu í skógarrjóðri Betra að borga tryggingarnar en að sitja uppi með allsherjartjón Játa frelsisviptingu og rán en hafna manndrápi Metaðsókn og söfnunarmet slegið 13,3 milljarðar frá Íslandi til Úkraínu: Danska leiðin „ein sú besta“ til að styrkja varnir Evrópu Steindór Örn endurkjörinn formaður Hallveigar Það logaði glatt í Bergþórshvoli á Njáluhátíð í Rangárþingi Skiptar skoðanir um stækkun Þjóðleikhússins Myndskeið af rallýslysi, sjálfstæð Úkraína og brennan á Bergþórshvoli Brotið á barni með því að loka það inni í einveruherbergi Leitar kofans sem hvarf í heilu lagi Sjá meira