Zaha vaknaði við óhugnanleg skilaboð í morgun

Wilfried Zaha, leikmaður Crystal Palace, fékk vægast sagt ógeðfelld skilaboð frá stuðningsmanni Aston Villa í morgun.

Hann birtir skjáskot af skilaboðum á Instagram á Twitter-reikningi sínum. Þar segist stuðningsmaðurinn meðal annars ætla að fara heim til hans klæddur sem draugur ef hann skorar gegn Aston Villa í dag, en það er bein vísun í einkennisbúning Ku Klux Klan, samtök sem þekkt eru fyrir kynþáttahatur.

Ljóst er að ef upp kemst um stuðningsmanninn er von á að málið muni hafa alvarlegar afleiðingar í för með sér fyrir hann.