Messi og Suarez á skotskónum er Barcelona burstaði Ala­ves

Barcelona endar í öðru sæti spænsku úrvalsdeildarinnar en þeir voru hins vegar í stuði gegn Deportivo Alaves á útivelli í dag. Lokatölur 5-0.

Ansu Fati, Lionel Messi og Luis Suarez byrjuðu í fremstu víglínu Barcelona en þeir skoruðu eitt mark hver í fyrri hálfleik.

Staðan var því 3-0 í hálfleik en Nelson Semedo skoraði fjórða markið á 58. mínútu.

Stundarfjórðungi fyrir leikslok skoraði Lionel Messi annað mark sitt og fimmta mark Barcelona.

Barcelona er með 82 stig í öðru sætinu og endar þar en Deportivo Alaves er í 16. sætinu með 39 stig.