Sjáðu markið sem skaut Wolves áfram ásamt öllum hinum

Öll mörk kvöldsins úr 16-liða úrslitum Evrópudeildarinnar má sjá hér að ofan.

Mesta spenna kvöldsins var í leik Wolves og Olympiacos þar sem markahrókurinn Raul Jimenez skaut Úlfunum áfram með sínu 10. marki í Evrópudeildinni á tímabilinu. Tímabil Wolves er heldur lengra en annarra liða þar sem þeir mættu í undankeppni Evrópudeildarinnar í júlí á síðasta ári. 

Sevilla lagði Roma 2-0 í eina leik liðanna í 16-liða úrslitum þar sem það þurfti að fresta fyrri leik liðanna vegna kórónufaraldursins. Var honum á endanum aflýst og leikur kvöldsins skar því um hvort liðið kæmist áfram.

Mun það fyrirkomulag vera á þeim leikjum sem eru eftir í keppninni. 

Þá fóru Bayer Leverkusen [Þýskaland] og Basel [Sviss] einnig áfram.