Sverrir hélt hreinu í bikarsigri

PAOK er skrefi nær átta liða úrslitunum í gríska bikarnum eftir 3-0 sigur á OFI Crete í fyrri leik liðanna í 16-liða úrslitunum.

Dimitrios Limnios kom PAOK yfir á 24. mínútu og átta mínútum síðar tvöfaldaði Diego Biseswar forystuna.

Chuba Akpom, fyrrum leikmaður Arsenal, skoraði þriðja og síðasta mark leiksins í síðari hálfleik. Lokatölur 3-0.

Sverrir Ingi Ingason spilaði allan leikinn í vörn PAOK en leikið er bæði heima og heiman í bikarnum.

Liðin mætast aftur í næstu viku, þá á heimavelli PAOK en þeir eiga titil að verja.