Doncic með enn einn stórleikinn

Það ætlar ekkert að stöðva Luka Doncic hjá Dallas Mavericks í vetur en enn eina ferðina fór hann á kostum í NBA-deildinni.

Að þessu sinni skoraði hann 31 stig, tók 13 fráköst og gaf 7 stoðsendingar í sigri Dallas á Brooklyn Nets.

Það var nýbúið að gefa út að hann væri búinn að fá flest atkvæði í stjörnuleikinn ásamt Giannis hjá Milwaukee og það fór augljóslega vel í hann.

Miami heldur áfram að standa sig vel og skellti meisturum Toronto Raptors í nótt. Liðið spilaði frábæra vörn og hélt meisturunum í aðeins 37 stigum í síðari hálfleik. Það lagði grunninn að þessum góða sigri.

Bam Adebayo með 15 stig og 14 fráköst fyrir Miami en Serge Ibaka atkvæðamestur í liði Raptors með 19 stig.

Úrslit:

Cleveland-Charlotte  106-109

Indiana-Denver  116-124

Miami-Toronto  84-76

Chicago-Utah  98-102

Minnesota-Golden State  99-84

Dallas-Brooklyn  123-111

San Antonio-Oklahoma  103-109

Sacramento-Memphis  128-123

LA Clippers-Detroit  126-112