Hatur gamals manns á samtímanum, svar til Arnars Sverrissonar Tanja Vigdisdottir skrifar 16. ágúst 2020 20:29 Sæll og blessaður Addi. Ég sé að aftur þeysist þú fram á ritvöllinn og skrifar að miklum móð um hugðarefni þín sem að þessu sinni er hinsegin fólk í grein þinni 11. ágúst síðastliðinn. Við sem höfum þekkt þig áratugum saman vitum að oft tekurðu ansi djúpt í árinni og venjulega fyrirgefum við þér látalætin en í þetta skiptið get ég ekki látið sitja hjá við að koma með nokkra punkta. Ég geri þetta vegna þess að núna virðist þú sérlega illa að þér í málefninu og já, ert í raun að tala um eitthvað sem þú veist ekkert um og notar skilgreiningar og hugtök sem voru algeng fyrir 50 - 60 árum en er löngu hætt að nota þar sem vísindum hefur fleytt fram og aukinn skilningur er á málefnunum. Ég ætla að byrja á að leiðrétta þig varðandi samkynhneigð. Sennilega ertu með mjög gamla kennslubók í fræðunum við hlið þér vegna þess að samkynhneigð er ekki eitthvað sem einstaklingurinn velur né heldur snýst hún einvörðungu um glímutök í bólinu. Þetta var líka algeng skoðun samfélagsins fyrir áratugum síðan en hlutirnir hafa breyst. Samkynhneigð er að einstaklingur laðast andlega og líkamlega til annars einstaklings af sama kyni. Samkynhneigðir einstaklingar fella ástir til hvors annars alveg eins og gagnkynhneigt fólk gerir. Það er gott að hafa þetta í huga skyldirðu einhvern tímann hitta fyrir samkynhneigt par. Ég get t.d. sagt þér að ég og verðandi konan mín eigum í ríkulegu ástarsambandi og þó skilja Atlantsálar okkur að enn um sinn. Ég sé að þú ruglar heldur betur hugtakinu gender dysphoria í samhengi við hugtökin transgender og cisgender. Transgender er einstaklingur sem í örstuttu máli fæðist í vitlausum líkama og gender dysphoria er vanlíðan sem getur skapast af því þegar persónan og líkaminn passa ekki saman. Cisgender er einstaklingur þar sem persónan og líkaminn passa saman. Meirihluti mannkyns er cisgender. Transgender er ekki lengur skilgreint sem sjúkdómur í nýjustu útgáfu ICD. Þú hlýtur að vera að styðjast við gamla útgáfu í máli þínu. ICD staðallinn hefur löngum þótt umdeildur þegar kemur að transfólki og sannast sagna þótt íhaldssamur og fjandsamlegur. Við skulum ekki gleyma því að lengi vel var samkynhneigð skilgreind í ICD. Í vísindum samtímans er að verða sífellt meiri skilningur á því að kyn eins og það hefur verið skilgreint, þ.e.a.s. út frá kynfærum er í besta falli ónákvæmt ef ekki rangt og þörf sé á útvíkkun hugtaka og betri skilgreiningum. Ég hvet þig Addi til að lesa nýjar rannsóknir og þá þær sem eru framkvæmdar af viðurkenndum aðilum innan heilbrigðisstétta. Ég gætið haldið áfram lengi með rangindi hugtakanotkunar en læt þessi nægja í bili. Þú vitnar í nýja bók Abigail Shrier máli þínu til stuðnings. Ég er satt að segja mjög hissa á því að þú Addi sem titlar þig sem sálfræðing skuli gera svona hvað þá nota Freud sem einhverja tilvitnun, eitthvað sem engir sálfræðingar vandir að virðingu sinni gera lengur. Abigail er hvorki læknir né sálfræðingur né heldur er hún blaðamaður þó hún titli sig sem slíka. Hún er aftur á móti þekkt innan öfga hægri og íhaldshreyfingarinnar í USA og hefur skrifað skoðunargreinar fyrir öfgasíður eins og The Daily Caller sem Tucker Carlsson hjá Fox News var með að stofna. Það er vel þekkt að öfga hægri og íhaldshreyfingar í Bandaríkjunum hafa mikinn fjandskap gegn hinsegin fólki og þá sérstaklega transfólki og oft eru gervivísindi notuð í málflutningi þeirra til að afneita tilveru transfólks því með afneitun á tilveru er réttlæting á ofbeldi og ofsóknum komin fram. Mér finnst Addi þessi grein þín bera mikinn svip að því sem hægt er að lesa í amerískum öfga hægri og íhaldsfjölmiðlum og það veldur mér dálitlum áhyggjum að þú gerir þér ekki grein fyrir að þú ert að gerast mikill merkisberi hatursorðræðu og hreyfingar sem leiðir ofsóknir á hendur transfólki, þar sem við konurnar erum skotnar í tætlur á götum úti í Bandaríkjunum og í Pakistan erum við brenndar lifandi og lík okkar afskræmd. Ert þú virkilega að gerast málsvari þess að í nafni vísinda eigi að þurrka af yfirborði jarðarinnar heilan hóp af manneskjum fyrir það eitt að hafa fæðst í röngum líkama? Við erum ekki geðveik og höfum aldrei verið. Hins vegar stuðla fordómar, grimmd, miskunnarleysi og fjandskapur sem greinin þín ber með sér að líf okkar verða á köflum ansi erfið og mörg okkar bugast á endanum. Ég spyr þig Addi, er hatrið sem þú setur fram með skoðun þinni þess virði? Gerir þú þér grein fyrir hvað þú ert að gera? Viltu birta grein á Vísi? Sendu okkur póst. Senda grein Hinsegin Tengdar fréttir Kynröskun stúlkna. Hin nýja „móðursýki“ Kyn er fjórþætt; eðliskyn eða kynferði (biological sex, gender, sexuality), sem ákvarðast af gerð kynfæra, sem oftast eru annað tveggja karlkyns eða kvenkyns. 11. ágúst 2020 14:00 Mest lesið Halldór 5.10.2024 Jón Þór Stefánsson Halldór Eignafólk græðir mikið á vaxtastefnu Seðlabankans Stefán Ólafsson Skoðun Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun Spilling á Íslandi: Erum við að missa tökin? Ágústa Árnadóttir Skoðun Sleppum brúnni og förum betri leið framhjá Selfossi Elliði Vignisson Skoðun Af ofurhetjum og störfum þeirra Kristín Björnsdóttir Skoðun Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun Uppeldi frá gamla einmenningar eins-skin-litar viðhorfum Matthildur Björnsdóttir Skoðun Að dansa í regninu Lóa Björk Ólafsdóttir Skoðun Einstakur atburður og viðbúnaður Marinó G. Njálsson Skoðun Skoðun Skoðun Uppeldi frá gamla einmenningar eins-skin-litar viðhorfum Matthildur Björnsdóttir skrifar Skoðun Af ofurhetjum og störfum þeirra Kristín Björnsdóttir skrifar Skoðun Eignafólk græðir mikið á vaxtastefnu Seðlabankans Stefán Ólafsson skrifar Skoðun Þriðjungur barna af erlendum uppruna tilheyrir ekki skólanum sínum Sara Björg Sigurðardóttir skrifar Skoðun Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur skrifar Skoðun Framtíðarkvíði er ekki gott veganesti Sigurður Páll Jónsson skrifar Skoðun Spilling á Íslandi: Erum við að missa tökin? Ágústa Árnadóttir skrifar Skoðun Orkan á Vestfjörðum Þorsteinn Másson skrifar Skoðun Smábátar eru þjóðhagslega hagkvæmari en togarar Kjartan Sveinsson skrifar Skoðun Foreldrar eru sérfræðingar í sínum börnum Valdimar Víðisson skrifar Skoðun Vísindin vakna til nýsköpunar! Einar Mäntylä skrifar Skoðun Risastórt lýðheilsumál sem Alþingi hunsar Sigurður Hólmar Jóhannesson skrifar Skoðun Þess vegna býð ég mig fram Guðmundur Ingi Guðbrandsson skrifar Skoðun Sleppum brúnni og förum betri leið framhjá Selfossi Elliði Vignisson skrifar Skoðun Einstakur atburður og viðbúnaður Marinó G. Njálsson skrifar Skoðun Framboð er eina leiðin Eiríkur St. Eiríksson skrifar Skoðun Háskóli Íslands er ekki að sinna skyldum sínum Silja Höllu Egilsdóttir skrifar Skoðun Verðmætasköpun og kennarar Davíð Már Sigurðsson skrifar Skoðun Nýjar lausnir gegn ofbeldi Drífa Snædal skrifar Skoðun Lögin um það sem er bannað Helgi Brynjarsson skrifar Skoðun Að dansa í regninu Lóa Björk Ólafsdóttir skrifar Skoðun Dauðarefsing Pírata Sigurjón Þórðarson skrifar Skoðun Af hverju erum við að þessu? Kjartan Sveinn Guðmundsson skrifar Skoðun Upplýsingaóreiða í boði orkugeirans og Landsvirkjunar Snæbjörn Guðmundsson skrifar Skoðun Úrskurðargrautur lögmanna Ómar R. Valdimarsson skrifar Skoðun Er vitlaust gefið í stjórnmálum? Reynir Böðvarsson skrifar Skoðun Hinn langi USArmur Ísraels Ingólfur Steinsson skrifar Skoðun Kveðja frá Heimssýn til landsfundar VG 2024 Haraldur Ólafsson skrifar Skoðun Þjóðaróperan á Alþingi í nær 70 ár Finnur Bjarnason,Þórunn Sigurðardóttir skrifar Skoðun Um Ölfusárbrú og veggjöld Haukur Arnþórsson skrifar Sjá meira
Sæll og blessaður Addi. Ég sé að aftur þeysist þú fram á ritvöllinn og skrifar að miklum móð um hugðarefni þín sem að þessu sinni er hinsegin fólk í grein þinni 11. ágúst síðastliðinn. Við sem höfum þekkt þig áratugum saman vitum að oft tekurðu ansi djúpt í árinni og venjulega fyrirgefum við þér látalætin en í þetta skiptið get ég ekki látið sitja hjá við að koma með nokkra punkta. Ég geri þetta vegna þess að núna virðist þú sérlega illa að þér í málefninu og já, ert í raun að tala um eitthvað sem þú veist ekkert um og notar skilgreiningar og hugtök sem voru algeng fyrir 50 - 60 árum en er löngu hætt að nota þar sem vísindum hefur fleytt fram og aukinn skilningur er á málefnunum. Ég ætla að byrja á að leiðrétta þig varðandi samkynhneigð. Sennilega ertu með mjög gamla kennslubók í fræðunum við hlið þér vegna þess að samkynhneigð er ekki eitthvað sem einstaklingurinn velur né heldur snýst hún einvörðungu um glímutök í bólinu. Þetta var líka algeng skoðun samfélagsins fyrir áratugum síðan en hlutirnir hafa breyst. Samkynhneigð er að einstaklingur laðast andlega og líkamlega til annars einstaklings af sama kyni. Samkynhneigðir einstaklingar fella ástir til hvors annars alveg eins og gagnkynhneigt fólk gerir. Það er gott að hafa þetta í huga skyldirðu einhvern tímann hitta fyrir samkynhneigt par. Ég get t.d. sagt þér að ég og verðandi konan mín eigum í ríkulegu ástarsambandi og þó skilja Atlantsálar okkur að enn um sinn. Ég sé að þú ruglar heldur betur hugtakinu gender dysphoria í samhengi við hugtökin transgender og cisgender. Transgender er einstaklingur sem í örstuttu máli fæðist í vitlausum líkama og gender dysphoria er vanlíðan sem getur skapast af því þegar persónan og líkaminn passa ekki saman. Cisgender er einstaklingur þar sem persónan og líkaminn passa saman. Meirihluti mannkyns er cisgender. Transgender er ekki lengur skilgreint sem sjúkdómur í nýjustu útgáfu ICD. Þú hlýtur að vera að styðjast við gamla útgáfu í máli þínu. ICD staðallinn hefur löngum þótt umdeildur þegar kemur að transfólki og sannast sagna þótt íhaldssamur og fjandsamlegur. Við skulum ekki gleyma því að lengi vel var samkynhneigð skilgreind í ICD. Í vísindum samtímans er að verða sífellt meiri skilningur á því að kyn eins og það hefur verið skilgreint, þ.e.a.s. út frá kynfærum er í besta falli ónákvæmt ef ekki rangt og þörf sé á útvíkkun hugtaka og betri skilgreiningum. Ég hvet þig Addi til að lesa nýjar rannsóknir og þá þær sem eru framkvæmdar af viðurkenndum aðilum innan heilbrigðisstétta. Ég gætið haldið áfram lengi með rangindi hugtakanotkunar en læt þessi nægja í bili. Þú vitnar í nýja bók Abigail Shrier máli þínu til stuðnings. Ég er satt að segja mjög hissa á því að þú Addi sem titlar þig sem sálfræðing skuli gera svona hvað þá nota Freud sem einhverja tilvitnun, eitthvað sem engir sálfræðingar vandir að virðingu sinni gera lengur. Abigail er hvorki læknir né sálfræðingur né heldur er hún blaðamaður þó hún titli sig sem slíka. Hún er aftur á móti þekkt innan öfga hægri og íhaldshreyfingarinnar í USA og hefur skrifað skoðunargreinar fyrir öfgasíður eins og The Daily Caller sem Tucker Carlsson hjá Fox News var með að stofna. Það er vel þekkt að öfga hægri og íhaldshreyfingar í Bandaríkjunum hafa mikinn fjandskap gegn hinsegin fólki og þá sérstaklega transfólki og oft eru gervivísindi notuð í málflutningi þeirra til að afneita tilveru transfólks því með afneitun á tilveru er réttlæting á ofbeldi og ofsóknum komin fram. Mér finnst Addi þessi grein þín bera mikinn svip að því sem hægt er að lesa í amerískum öfga hægri og íhaldsfjölmiðlum og það veldur mér dálitlum áhyggjum að þú gerir þér ekki grein fyrir að þú ert að gerast mikill merkisberi hatursorðræðu og hreyfingar sem leiðir ofsóknir á hendur transfólki, þar sem við konurnar erum skotnar í tætlur á götum úti í Bandaríkjunum og í Pakistan erum við brenndar lifandi og lík okkar afskræmd. Ert þú virkilega að gerast málsvari þess að í nafni vísinda eigi að þurrka af yfirborði jarðarinnar heilan hóp af manneskjum fyrir það eitt að hafa fæðst í röngum líkama? Við erum ekki geðveik og höfum aldrei verið. Hins vegar stuðla fordómar, grimmd, miskunnarleysi og fjandskapur sem greinin þín ber með sér að líf okkar verða á köflum ansi erfið og mörg okkar bugast á endanum. Ég spyr þig Addi, er hatrið sem þú setur fram með skoðun þinni þess virði? Gerir þú þér grein fyrir hvað þú ert að gera?
Kynröskun stúlkna. Hin nýja „móðursýki“ Kyn er fjórþætt; eðliskyn eða kynferði (biological sex, gender, sexuality), sem ákvarðast af gerð kynfæra, sem oftast eru annað tveggja karlkyns eða kvenkyns. 11. ágúst 2020 14:00
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun
Skoðun Þriðjungur barna af erlendum uppruna tilheyrir ekki skólanum sínum Sara Björg Sigurðardóttir skrifar
Skoðun Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur skrifar
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun