Hafði ný­verið verið sleppt úr fangelsi

Manni sem lögreglan í Lundúnum skaut til bana í gær eftir að hann réðst að fólki vopnaður hnífi hafði nýverið verið sleppt úr fangelsi.

Hinn tvítugi Sudesh Amman var sleppt úr fangelsi fyrir um viku eftir að hafa setið af sér helming þriggja ára dóms fyrir brot á hryðjuverkalöggjöfinni.

Hann var undir stöðugu lögreglueftirliti og varð það til þess að hann var yfirbugaður örskömmu eftir að árásin hófst.

Svo virðist sem hann hafi farið inn í verslun eina í borginni og byrjað að stinga fólk. Þaðan hélt hann út á götu aftur þar sem hann særði konu áður en lögreglumenn skutu hann til bana.

Þeir þrír sem urðu fyrir árásum hans eru ekki sagðir alvarlega slasaðir.