Stjarnan tapaði í gær fyrir Selfyssingum á heimavelli er liðin mættust í síðustu umferð 19. umferðar Olís-deildar karla.
Byrjun Stjörnunnar í leiknum var ekki upp á marga fiska. Hún var það slök að Rúnar Sigtrygsson, þjálfari Stjörnunnar, tók leikhlé eftir fjórar mínútur í stöðunni 2-0.
„Ef þú horfir á holninguna á Stjörnuliðinu sóknarlega þá skil ég fullkomnlega hvað Rúnar er að reyna að gera,“ sagði Guðlaugur Arnarsson.
„Hann sér í hvað stefnir og er að reyna stoppa í áður en allt fer til fjandans.“
Ágúst Jóhannsson tók svo við boltanum.
„Þegar maður horfir á þessar klippur, þá er allt gert á hálfum hraða. Ég er ekki að segja að ég hefði sjálfur tekið þetta leikhlé en þarna eru fjórar eða fimm sóknir og allt er á 20% krafti.“
„Þegar Stjarnan var að nálgast Selfoss þá voru þeir að reyna snúa hann í dauðafærum og reyna að hausa í hraðaupphlaupum. Þetta var agalaust,“ sagði Ágúst.
Innslagið í heild má sjá efst í fréttinni.
Seinni bylgjan: „Agalaust“
Tengdar fréttir
Umfjöllun og viðtöl: Stjarnan - Selfoss 29-33 | Meistararnir í stuði
Íslandmeistarar Selfoss unnu frábæran sigur á Stjörnunni þegar liðin mættust í 19. umferð Olísdeildar karla í handbolta. Lokatölur urðu 29-33 og Selfyssingar líta virkilega vel út í augnablikinu.
