Innlent

Af­lýsa ó­vissu­stigi vegna snjó­flóða­hættu á norðan­verðum Vest­fjörðum

Atli Ísleifsson skrifar
Spáð er tíðindalitlu veðri um helgina.
Spáð er tíðindalitlu veðri um helgina. Getty

Óvissustigi vegna snjóflóðahættu á norðanverðum Vestfjörðum hefur verið aflýst en það hefur staðið síðan síðdegis í gær.

Á vef Veðurstofunnar segir að ekki sé vitað til þess að snjóflóð hafi fallið á þjóðvegi eða nærri byggð eins og er. Fregnir hafi þó borist af nokkrum flóðum, sem talið er að hafi fallið í gær og fyrradag, meðal annars í Súgandafirði, Önundarfirði og í Syðridal.

„Spáð er tíðindalitlu veðri um helgina, vestanátt með lítilsháttar éljagangi á vestanverðu og norðanverðu landinu í dag og á morgun,“ segir í tilkynningunni.

Almannavarnir Veður

Mest lesið


Fleiri fréttir

Sjá meira


×

Mest lesið