KSÍ fékk það staðfest að engir verði í stúkunni á landsleikjunum í september

Knattspyrnusamband Íslands hefur fengið endanlega staðfestingu á því að næstu leikir íslensku landsliðanna á heimavelli fara fram fyrir luktum dyrum.

Knattspyrnusamband Evrópu, UEFA, hélt í dag samráðsfund með framkvæmdastjórum knattspyrnusambanda í Evrópu.

Á fundinum staðfesti UEFA að engir áhorfendur verði á leikjum landsliða í september, en staðan verður endurskoðuð fyrir leikina í október.

Fjórir landsleikir verða á Íslandi í september.

A landslið karla mætir Englandi 5. september.

A landslið kvenna mætir Lettlandi 17. september og Svíþjóð 22. september.

U21 ára landsliðs karla mætir Svíþjóð 4. september.