Cavani fær sjöuna

Edinson Cavani mun spila í treyju númer sjö hjá Manchester United í vetur og fetar í fótspor marga frambærilega knattspyrnumanna.

Skipti Cavani höfðu legið í loftinu í einhvern tíma en eftir 6-1 niðurlæginguna gegn Tottenham um helgina var svo gengið frá skiptunum.

Framherjinn marksækni hefur fengið treyju númer sjö en þetta staðfesti Man. United á samfélagsmiðlum sínum í dag.

Hann fetar þar af leiðandi í fótspor til að mynda Cristiano Ronaldo, David Beckham og Eric Cantona sem báðir léku í treyju númer sjö.

Landsleikjahlé er nú í enska boltanum svo Cavani getur komið sér vel inn í hlutina hjá United áður en hann spilar sinn fyrsta leik fyrir félagið.