Fimmtíu í sóttkví eftir að leikskólabarn greindist með veiruna

Barn af leikskólanum Pálmholti á Akureyri greindist með Covid-19 á laugardag. Fjörutíu börn af tveimur deildum, auk tíu starfsmanna, sem voru innan sama sóttvarnarhólfs á föstudag þurfa að fara í sóttkví til 20. nóvember vegna þessa. Þetta kemur fram í tilkynningu frá Akureyrarbæ.

Sýnataka hjá þeim sem eru komnir í sóttkví fer fram föstudaginn 13. nóvember.

Í tilkynningu segir að málið sé unnið í nánu samstarfi við smitrakningarteymi almannavarna. Húsnæði leikskólans hafi verið sótthreinsað í gær. Að öðru leyti sé hefðbundið leikskólastarf í Pálmholti í dag, mánudaginn 9. nóvember.