Patrik og félagar styrktu stöðuna á toppnum

Íslenski unglingalandsliðsmaðurinn Patrik Sigurður Gunnarsson stóð á milli stanganna hjá Viborg í dönsku B-deildinni í fótbolta í kvöld þegar liðið fékk Hobro í heimsókn.

Leikurinn var markalaus allt þar til á 70.mínútu þegar Tobias Bech kom Viborg í forystu. Forystan entist stutt því gestirnir jöfnuðu á 80.mínútu.

Bech var ekki hættur og tryggði Viborg sigur með marki á síðustu mínútu venjulegs leiktíma. Lokatölur 2-1.

Patrik og félagar tróna á toppi deildarinnar þar sem þeir hafa sex stiga forystu.