Segir að íþróttastarf hér á landi verði í skugga faraldursins fram eftir næsta ári Runólfur Trausti Þórhallsson skrifar 23. nóvember 2020 18:45 Runólfur Pálsson ræddi við Gaupa fyrr í dag. Vísir/Sigurjón Guðni Runólfur Pálsson, forstöðumaður lyflækninga- og endurhæfingarþjónustu Landspítalans, sem COVID-göngudeildin er hluti af, telur að íþróttastarf hér á landi verði í skugga kórónufaraldursins fram eftir 2021. Hann ræddi við Gaupa í Sportpakka Stöðvar 2 í kvöld. Farið var yfir víðan völl, Runólfur segir tölfræðina sanna að litlar líkur séu á smiti í afreksíþróttum á borð við fótbolta, körfubolta og handbolta. Hann telur að áframhaldandi bann við íþróttum geti haft alvarlegar afleiðingar fyrir íþróttafólk hér á landi og segir mikilvægt að veita ákveðnum hópum undanþágur ef veiran verði enn á kreiki þegar fram líða stundir. Viðtal Gaupa við Runólf má sjá í heild sinni í spilaranum neðst í fréttinni. „Það fer eftir því hvernig á það er litið. Ef vel er haldið á sóttvarnarráðstöfunum, það hafa þessi sambönd gert [Alþjóða knattspyrnu-, körfuknattleiks- og handknattleiks], það hefur verið lögð gríðarleg vinna í að skipuleggja sóttvarnaraðgerðir til að lágmarka möguleika á dreifingu smits. Þá get ég tekið undir það. Á hinn bóginn þá vitum við það að hópamyndun og nálægð milli fólks fylgir smithætta. Það er svo sannarlega fyrir hendi í þessum hópíþróttum,“ sagði Runólfur aðspurður hvort hann gæti tekið undir þá staðreynd að það væru hverfandi líkur á að kórónuveiran smitist manna á milli er kappleikir eiga sér stað. Hann hélt svo áfram. „Þess vegna ganga aðgerðir út á ráðstafanir til að minnka smithættu og dreifingu smits. Ég verð að segja að það hefur tekist vel.“ Hér á landi eru almenningsíþróttir og afreksstarf sett undir sama hatt „Við erum að vissu leyti frábrugðin öðrum þjóðum hvað þetta snertir. Það er margt sem þarf að taka afstöðu til þegar ákvarðanir eru teknar og reglur settar í þessu efni. Það þarf líka að taka tillit til aðstæðna í viðkomandi landi. Við höfum – þá sérstaklega núna nýlega – verið í mjög þröngri stöðu í viðureigninni við faraldurinn, sérstaklega í tengslum við hópsýkinguna sem kom upp á Landakoti. Landspítalinn fór á neyðarstig og þá máttum við ekki við neinum umtalsverðum hópsýkingum út í samfélaginu.“ „Sóttvarnar- og heilbrigðisyfirvöld verða að meta hverjar aðstæður eru á á hverjum tíma í því landi er ræðir. Þegar um skipulagðar aðgerðir er að ræða til að koma í veg fyrir dreifingu smits, eins og hefur verið í þessum afreksíþróttagreinum, þá finnst mér þetta ekki eiga heima undir sama hætti.“ Ég kom inná það í viðtali um daginn að ég væri ekki vísindamaður heldur körfubolta þjálfari. Hér eru hinsvegar 2 heiðursvísindamenn við Landspítalann að tjá sig.Nú er tíminn naumur, opnið á æfingar & keppni 2. Des#korfubolti #handbolti #fotbolti https://t.co/pmdlhStCZ5— Arnar Gudjonsson (@ArnarGud) November 23, 2020 „Í almenningsíþróttum reiðum við okkur á hvern og einn einstakling, að hann sinni persónubundnum sóttvörnum. Miðað við hvernig þetta mál hefur verið lagt upp, hversu strangt regluverk hefur verið sett upp í kringum afreksíþróttirnar og hver árangurinn hefur verið þá finnst mér ekki hægt að setja þetta undir sama hátt.“ „Við höfum verið að læra hvernig á að fást við þennan faraldur og okkur hefur sannarlega tekist vel til hér á landi. Að sama skapi hefur það haft miklar og alvarlegar afleiðingar fyrir ýmsa þætti samfélagsins, þar á meðal íþróttastarf og afreksíþróttir.“ Um tuttugu smituðust eftir æfingu hjá Hnefaleikafélagi Kópavogs í upphafi októbermánaðar. Runólfur tók fram að hann gæti ekki sett hnefaleika í sama flokk og boltaíþróttir á við fótbolta, handbolta og körfubolta. „Nándin er það mikil í hnefaleikakeppni að maður myndi ætla að smithætta væri meiri þar. En ég þekki ekki hvaða ráðstafanir voru gerðar til að koma í veg fyrir smit í því tilliti. Að öðru leyti þekki ég ekki til umtalsverðra sýkinga eða dreifingu á smiti í tengslum við afreksíþróttir.“ Horfa þarf til næsta árs „Við höfum miklar væntingar til bóluefnis sem er sagt vera á næsta leyti en það er ekkert fast í hendi með það. Það má búast við því að íþróttastarfið verði í skugga faraldursins fram eftir árinu. Þá er þetta orðið það langdregið að við erum að tala um mjög alvarlegar afleiðingar fyrir íþróttafólkið. Það dregst aftur úr íþróttamönnum í öðrum löndum, innviðir félaga og sambanda veikjast. Fjárhagurinn riðlast án efa þannig að þetta getur haft mjög slæmar afleiðingar.“ „Við verðum að vega og meta áhættuna hverju sinni, ef við teljum hana litla miðað við þá þekkingu sem við höfum. Þá held ég að við eigum að veita undanþágu í þessu tilliti. Þetta snýst allt um undanþágur. Þær hafa gefist mjög vel fyrir okkur og þetta snýst um að veita undanþágu þar sem möguleiki er þar sem áhættan hefur verið lágmörkuð með kröftugum sóttvarnaraðgerðum.“ Úr leik Vals og Breiðabliks að Hlíðarenda í sumar.Vísir/Hulda Margrét Varðandi sóttvarnir KSÍ í sumar „KSÍ lagði mikla vinnu í þetta mál og vann þetta regluverk í samvinnu við sóttvarnalækni. Ég tel að það hafi tekist mjög vel til. Síðan þegar faraldurinn fór á flug þá treystu yfirvöld sér ekki til að reyða sig alfarið á þetta. Töldu þau að við þyrftum að bregðast við mjög kröftuglega, sem var gert með ágætis árangri. Í ljósi reynslunnar erlendis, og þeirra takmörkuðu reynslu sem við höfðum hér fyrr á árinu, held ég að við verðum að endurskoða þetta mál.“ „Það sem ég tel að verði að gerast núna er að ég tel að það verði að eiga sér stað samráð milli íþróttahreyfingarinnar og sóttvarnar- og heilbrigðis yfirvalda. Það þarf ítarlega skoðun á málinu, með því að nýta fyrirliggjandi gögn sem og þekkingu erlendis frá. Þá held ég að menn geti komist að niðurstöðu sem hægt er að verða sáttur við ef hún byggir á þeirri þekkingu sem við höfum. Ég bind sjálfur miklar vonir við að það verði hægt að veita frekari undanþágur en gert hefur verið til þessa,“ sagði Runólfur að endingu. Klippa: Runólfur telur að það megi búast við því að íþróttastarf hér á landi verði í skugga COVID fram eftir næsta ári Faraldur kórónuveiru (COVID-19) Íslenski handboltinn Íslenski körfuboltinn Íslenski boltinn Sportpakkinn Tengdar fréttir „Þetta getur ekki verið gott fyrir hvorki geðheilsu né líkamann hjá þessum börnum“ Arnar Guðjónsson, þjálfari Stjörnunnar í Dominos-deild karla, segir að nú sé kominn tími til að opna íþróttahúsin og leyfa afreksíþróttafólki landsins að æfa. Þetta sagði hann í samtali við Guðjón Guðmundsson í Sportpakka kvöldsins. 17. nóvember 2020 19:00 Mest lesið Haaland flúði Manchester borg Enski boltinn Húðflúr stuðningsmanns Newcastle gæti orðið algjörlega gagnslaust Enski boltinn Konurnar þurfa að mæta Íslandi á leikvangi sem er ekki nógu góður fyrir karlana Fótbolti Unglingur myrtur eftir deilu á frjálsíþróttamóti Sport Fyrsti svarti dómarinn í ensku úrvalsdeildinni lærir að ganga á ný Enski boltinn „Hann þarf að breyta þessu og ég er búinn að tala við hann inni í klefa“ Körfubolti Skoruðu þrjú af fjórum mörkum leiksins en töpuðu samt Íslenski boltinn Júlíus: Mér finnst að kvennalið Gróttu eigi að vera á þessum stað Handbolti Forseti UEFA segir 64 þjóða HM vera slæma hugmynd Fótbolti Elín Klara markadrottningin í ár en gaf líka flestar stoðsendingar Handbolti Fleiri fréttir Unglingur myrtur eftir deilu á frjálsíþróttamóti Konurnar þurfa að mæta Íslandi á leikvangi sem er ekki nógu góður fyrir karlana Elín Klara markadrottningin í ár en gaf líka flestar stoðsendingar Dagskráin: Keflavík og Grindavík geta komist í 2-0 og tímataka F1 í Japan Húðflúr stuðningsmanns Newcastle gæti orðið algjörlega gagnslaust Haaland flúði Manchester borg Forseti UEFA segir 64 þjóða HM vera slæma hugmynd Skoruðu þrjú af fjórum mörkum leiksins en töpuðu samt Júlíus: Mér finnst að kvennalið Gróttu eigi að vera á þessum stað „Hann þarf að breyta þessu og ég er búinn að tala við hann inni í klefa“ „Mæti honum með bros á vör“ „Þú ert með góða taktíska greiningu og þetta gekk upp“ Barcelona fagnaði sigri innan og utan vallar í vikunni Hamar/Þór og KR byrja vel í úrslitakeppninni um laust sæti í Bónus Uppgjörið: Stjarnan - ÍR 101-83 | Stjarnan steig á bensíngjöfina í síðari hálfleik Úrslitakeppnin klár í Olís deild kvenna Chelsea upp fyrir Man. City og Newcastle Uppgjör: ÍR-Grótta 31-26 | ÍR sendi Gróttuna niður í Grillið Janus Daði og félagar slógu PSG út úr Meistaradeildinni FH-ingar sækja sér miðvörð til sænska liðsins AIK Kristján Örn og félagar töpuðu stigi í Íslendingaslag Tryggvi og félagar sendu Ólaf í sumarfrí Uppgjörið: Njarðvík - Álftanes 89-95 | Álftnesingar sóttu sigur í stemningslítinn Stapaskóla Stórkostlegur fyrri hálfleikur breyttist í algjöra martröð í þeim seinni Málinu vísað frá og SA og SR spila um Íslandsmeistaratitilinn Afmæli barnanna og Liverpool-leikir það eina í dagatalinu „Það er algjört kjaftæði“ Fyrsti svarti dómarinn í ensku úrvalsdeildinni lærir að ganga á ný „Þrífst í hlutverki þar sem ég þarf að taka ábyrgð“ Tímabilinu lokið hjá Gabriel Sjá meira
Runólfur Pálsson, forstöðumaður lyflækninga- og endurhæfingarþjónustu Landspítalans, sem COVID-göngudeildin er hluti af, telur að íþróttastarf hér á landi verði í skugga kórónufaraldursins fram eftir 2021. Hann ræddi við Gaupa í Sportpakka Stöðvar 2 í kvöld. Farið var yfir víðan völl, Runólfur segir tölfræðina sanna að litlar líkur séu á smiti í afreksíþróttum á borð við fótbolta, körfubolta og handbolta. Hann telur að áframhaldandi bann við íþróttum geti haft alvarlegar afleiðingar fyrir íþróttafólk hér á landi og segir mikilvægt að veita ákveðnum hópum undanþágur ef veiran verði enn á kreiki þegar fram líða stundir. Viðtal Gaupa við Runólf má sjá í heild sinni í spilaranum neðst í fréttinni. „Það fer eftir því hvernig á það er litið. Ef vel er haldið á sóttvarnarráðstöfunum, það hafa þessi sambönd gert [Alþjóða knattspyrnu-, körfuknattleiks- og handknattleiks], það hefur verið lögð gríðarleg vinna í að skipuleggja sóttvarnaraðgerðir til að lágmarka möguleika á dreifingu smits. Þá get ég tekið undir það. Á hinn bóginn þá vitum við það að hópamyndun og nálægð milli fólks fylgir smithætta. Það er svo sannarlega fyrir hendi í þessum hópíþróttum,“ sagði Runólfur aðspurður hvort hann gæti tekið undir þá staðreynd að það væru hverfandi líkur á að kórónuveiran smitist manna á milli er kappleikir eiga sér stað. Hann hélt svo áfram. „Þess vegna ganga aðgerðir út á ráðstafanir til að minnka smithættu og dreifingu smits. Ég verð að segja að það hefur tekist vel.“ Hér á landi eru almenningsíþróttir og afreksstarf sett undir sama hatt „Við erum að vissu leyti frábrugðin öðrum þjóðum hvað þetta snertir. Það er margt sem þarf að taka afstöðu til þegar ákvarðanir eru teknar og reglur settar í þessu efni. Það þarf líka að taka tillit til aðstæðna í viðkomandi landi. Við höfum – þá sérstaklega núna nýlega – verið í mjög þröngri stöðu í viðureigninni við faraldurinn, sérstaklega í tengslum við hópsýkinguna sem kom upp á Landakoti. Landspítalinn fór á neyðarstig og þá máttum við ekki við neinum umtalsverðum hópsýkingum út í samfélaginu.“ „Sóttvarnar- og heilbrigðisyfirvöld verða að meta hverjar aðstæður eru á á hverjum tíma í því landi er ræðir. Þegar um skipulagðar aðgerðir er að ræða til að koma í veg fyrir dreifingu smits, eins og hefur verið í þessum afreksíþróttagreinum, þá finnst mér þetta ekki eiga heima undir sama hætti.“ Ég kom inná það í viðtali um daginn að ég væri ekki vísindamaður heldur körfubolta þjálfari. Hér eru hinsvegar 2 heiðursvísindamenn við Landspítalann að tjá sig.Nú er tíminn naumur, opnið á æfingar & keppni 2. Des#korfubolti #handbolti #fotbolti https://t.co/pmdlhStCZ5— Arnar Gudjonsson (@ArnarGud) November 23, 2020 „Í almenningsíþróttum reiðum við okkur á hvern og einn einstakling, að hann sinni persónubundnum sóttvörnum. Miðað við hvernig þetta mál hefur verið lagt upp, hversu strangt regluverk hefur verið sett upp í kringum afreksíþróttirnar og hver árangurinn hefur verið þá finnst mér ekki hægt að setja þetta undir sama hátt.“ „Við höfum verið að læra hvernig á að fást við þennan faraldur og okkur hefur sannarlega tekist vel til hér á landi. Að sama skapi hefur það haft miklar og alvarlegar afleiðingar fyrir ýmsa þætti samfélagsins, þar á meðal íþróttastarf og afreksíþróttir.“ Um tuttugu smituðust eftir æfingu hjá Hnefaleikafélagi Kópavogs í upphafi októbermánaðar. Runólfur tók fram að hann gæti ekki sett hnefaleika í sama flokk og boltaíþróttir á við fótbolta, handbolta og körfubolta. „Nándin er það mikil í hnefaleikakeppni að maður myndi ætla að smithætta væri meiri þar. En ég þekki ekki hvaða ráðstafanir voru gerðar til að koma í veg fyrir smit í því tilliti. Að öðru leyti þekki ég ekki til umtalsverðra sýkinga eða dreifingu á smiti í tengslum við afreksíþróttir.“ Horfa þarf til næsta árs „Við höfum miklar væntingar til bóluefnis sem er sagt vera á næsta leyti en það er ekkert fast í hendi með það. Það má búast við því að íþróttastarfið verði í skugga faraldursins fram eftir árinu. Þá er þetta orðið það langdregið að við erum að tala um mjög alvarlegar afleiðingar fyrir íþróttafólkið. Það dregst aftur úr íþróttamönnum í öðrum löndum, innviðir félaga og sambanda veikjast. Fjárhagurinn riðlast án efa þannig að þetta getur haft mjög slæmar afleiðingar.“ „Við verðum að vega og meta áhættuna hverju sinni, ef við teljum hana litla miðað við þá þekkingu sem við höfum. Þá held ég að við eigum að veita undanþágu í þessu tilliti. Þetta snýst allt um undanþágur. Þær hafa gefist mjög vel fyrir okkur og þetta snýst um að veita undanþágu þar sem möguleiki er þar sem áhættan hefur verið lágmörkuð með kröftugum sóttvarnaraðgerðum.“ Úr leik Vals og Breiðabliks að Hlíðarenda í sumar.Vísir/Hulda Margrét Varðandi sóttvarnir KSÍ í sumar „KSÍ lagði mikla vinnu í þetta mál og vann þetta regluverk í samvinnu við sóttvarnalækni. Ég tel að það hafi tekist mjög vel til. Síðan þegar faraldurinn fór á flug þá treystu yfirvöld sér ekki til að reyða sig alfarið á þetta. Töldu þau að við þyrftum að bregðast við mjög kröftuglega, sem var gert með ágætis árangri. Í ljósi reynslunnar erlendis, og þeirra takmörkuðu reynslu sem við höfðum hér fyrr á árinu, held ég að við verðum að endurskoða þetta mál.“ „Það sem ég tel að verði að gerast núna er að ég tel að það verði að eiga sér stað samráð milli íþróttahreyfingarinnar og sóttvarnar- og heilbrigðis yfirvalda. Það þarf ítarlega skoðun á málinu, með því að nýta fyrirliggjandi gögn sem og þekkingu erlendis frá. Þá held ég að menn geti komist að niðurstöðu sem hægt er að verða sáttur við ef hún byggir á þeirri þekkingu sem við höfum. Ég bind sjálfur miklar vonir við að það verði hægt að veita frekari undanþágur en gert hefur verið til þessa,“ sagði Runólfur að endingu. Klippa: Runólfur telur að það megi búast við því að íþróttastarf hér á landi verði í skugga COVID fram eftir næsta ári
Faraldur kórónuveiru (COVID-19) Íslenski handboltinn Íslenski körfuboltinn Íslenski boltinn Sportpakkinn Tengdar fréttir „Þetta getur ekki verið gott fyrir hvorki geðheilsu né líkamann hjá þessum börnum“ Arnar Guðjónsson, þjálfari Stjörnunnar í Dominos-deild karla, segir að nú sé kominn tími til að opna íþróttahúsin og leyfa afreksíþróttafólki landsins að æfa. Þetta sagði hann í samtali við Guðjón Guðmundsson í Sportpakka kvöldsins. 17. nóvember 2020 19:00 Mest lesið Haaland flúði Manchester borg Enski boltinn Húðflúr stuðningsmanns Newcastle gæti orðið algjörlega gagnslaust Enski boltinn Konurnar þurfa að mæta Íslandi á leikvangi sem er ekki nógu góður fyrir karlana Fótbolti Unglingur myrtur eftir deilu á frjálsíþróttamóti Sport Fyrsti svarti dómarinn í ensku úrvalsdeildinni lærir að ganga á ný Enski boltinn „Hann þarf að breyta þessu og ég er búinn að tala við hann inni í klefa“ Körfubolti Skoruðu þrjú af fjórum mörkum leiksins en töpuðu samt Íslenski boltinn Júlíus: Mér finnst að kvennalið Gróttu eigi að vera á þessum stað Handbolti Forseti UEFA segir 64 þjóða HM vera slæma hugmynd Fótbolti Elín Klara markadrottningin í ár en gaf líka flestar stoðsendingar Handbolti Fleiri fréttir Unglingur myrtur eftir deilu á frjálsíþróttamóti Konurnar þurfa að mæta Íslandi á leikvangi sem er ekki nógu góður fyrir karlana Elín Klara markadrottningin í ár en gaf líka flestar stoðsendingar Dagskráin: Keflavík og Grindavík geta komist í 2-0 og tímataka F1 í Japan Húðflúr stuðningsmanns Newcastle gæti orðið algjörlega gagnslaust Haaland flúði Manchester borg Forseti UEFA segir 64 þjóða HM vera slæma hugmynd Skoruðu þrjú af fjórum mörkum leiksins en töpuðu samt Júlíus: Mér finnst að kvennalið Gróttu eigi að vera á þessum stað „Hann þarf að breyta þessu og ég er búinn að tala við hann inni í klefa“ „Mæti honum með bros á vör“ „Þú ert með góða taktíska greiningu og þetta gekk upp“ Barcelona fagnaði sigri innan og utan vallar í vikunni Hamar/Þór og KR byrja vel í úrslitakeppninni um laust sæti í Bónus Uppgjörið: Stjarnan - ÍR 101-83 | Stjarnan steig á bensíngjöfina í síðari hálfleik Úrslitakeppnin klár í Olís deild kvenna Chelsea upp fyrir Man. City og Newcastle Uppgjör: ÍR-Grótta 31-26 | ÍR sendi Gróttuna niður í Grillið Janus Daði og félagar slógu PSG út úr Meistaradeildinni FH-ingar sækja sér miðvörð til sænska liðsins AIK Kristján Örn og félagar töpuðu stigi í Íslendingaslag Tryggvi og félagar sendu Ólaf í sumarfrí Uppgjörið: Njarðvík - Álftanes 89-95 | Álftnesingar sóttu sigur í stemningslítinn Stapaskóla Stórkostlegur fyrri hálfleikur breyttist í algjöra martröð í þeim seinni Málinu vísað frá og SA og SR spila um Íslandsmeistaratitilinn Afmæli barnanna og Liverpool-leikir það eina í dagatalinu „Það er algjört kjaftæði“ Fyrsti svarti dómarinn í ensku úrvalsdeildinni lærir að ganga á ný „Þrífst í hlutverki þar sem ég þarf að taka ábyrgð“ Tímabilinu lokið hjá Gabriel Sjá meira
„Þetta getur ekki verið gott fyrir hvorki geðheilsu né líkamann hjá þessum börnum“ Arnar Guðjónsson, þjálfari Stjörnunnar í Dominos-deild karla, segir að nú sé kominn tími til að opna íþróttahúsin og leyfa afreksíþróttafólki landsins að æfa. Þetta sagði hann í samtali við Guðjón Guðmundsson í Sportpakka kvöldsins. 17. nóvember 2020 19:00