Sex samherjar Ragnars með kórónuveiruna

Ragnar Sigurðsson er aftur kominn í leikmannahóp FCK sem í dag mætir öðru Íslendingaliði, Horsens. Sex samherjar Ragnars eru frá vegna kórónuveirusmits.

FCK komst aftur á sigurbraut um síðustu helgi er liðið vann sigur á SönderjyskE á útivelli. Á sama tíma unnu Horsens sinn fyrsta sigur er liðið bar sigur úr býtum gegn Vejle, 3-1.

Ragnar var ekki með FCK í sigrinum um síðustu helgi en er nú kominn inn í hópinn á ný. Kjartan og Ágúst eru báðir í leikmannahópi Horsens.

Victor Nelsson, Jonas Wind, Mikkel Kaufmann, Andreas Bjelland, Pierre Bengtsson og Viktor Fischer verða þó ekki með FCK með þar sem þeir hafa greinst með kórónuveiruna.