Braut blað í sögu NBA-deildarinnar

Becky Hammon er er aðstoðarþjálfari Spurs en hún varð fyrsta konan til að stýra liði í NBA-deildinni er Greg Popovich – aðalþjálfara liðsins – var vísað af velli vegna mótmæla í leik næturinnar.

Hammon hefur verið í þjálfarateymi Spurs frá 2014 og fékk þarna loks tækifæri sem aðalþjálfari liðsins. Henni tókst þó ekki að snúa leiknum við en Lakers vann leikinn með 14 stiga mun, 121-107.

Afmælisbarnið LeBron James hrósaði Hammon að leik loknum.

„Það var frábært að heyra í henni kalla leiðbeiningar inn á völlinn og stýra leikmönnum. Ég óska henni innilega til hamingju sem og deildinni yfir höfuð, sagði LeBron að leik loknum.