Segja fráleitt að hækka laun þingmanna og ráðherra

Mælt var fyrir frumvarpi þingmanna Pírata, Samfylkingar, Flokks fólksins þingmanns utan flokka í gærkvöldi umaðþingmenn og ráðherrar fái engar launahækkanir út kjörtímabilið. Frummælandi segir út úr öllu korti að þessi hópur fái launahækkanir eins og staðan er í dag.

Launamál þingmanna og ráðherra eru orðin nokkuð flókin þar sem hækkun sem þeir áttu að fá ásamt ráðuneytisstjórum, dómurum, saksóknurum, lögreglustjórum, seðlabankastjóra og ríkissáttasemjara í júníí fyrra var frestað til 1. janúar áþessu ári. En Alþingi gleymdi hins vegar að taka hana til framkvæmda og stendur til að leiðrétta það. Síðan eiga þingmenn og ráðherrar ásamt fyrrgreindum hópum að fá launahækkun í júlíáþessu ári.

Þingmenn Pírata með Halldóru Mogensen í fararbroddi ásamt þingmönnum Samfylkingar, Flokki fólksins og Andrési Ingi Jónssyni þingmanni utan flokka hafa lagt fram frumvarp um að allar þessar launahækkanir verði slegnar af. Krónutala launanna verði síðan fest inn í lögum um þingfararkaup annars vegar og lögum um stjórnarráðÍslands hins vegar þannig að þau haldist óbreytt til 31. desember 2021 eða fram yfir næstu kosningar til Alþingis.

Halldóra mælti fyrir frumvarpinu á Alþingi í gærkvöldi og minnti á að forsætisráðherra hefði hvatt til samstöðu í samfélaginu þegar hún mæltist til þess að útgerðir féllu frá skaðabótakröfu á hendur ríkinu vegna breytinga á makrílkvóta.

„Nú þegar gríðarlegar efnahagsþrengingar blasa við og valda mörgum miklum tekjumissi og jafnvel atvinnumissi þykir mér það algerlega fráleitt í raun og veru og úr allri tengingu við raunveruleika flestra í samfélaginu; að á sama tíma og þessar efnahagsþrengingar blasi við að til standi að framkvæma launahækkun þingmanna og ráðherra um næstu mánaðamót. Eftir örfáa daga,” sagði Halldóra.

Hækkunin fæli í sér afturvirkar launahækkanir um fjóra mánuði ásamt því að laun ráðherra hækkuðu um rúmar hundrað þúsund krónur á mánuði, laun forsætisráðherra um rúmar 130 þúsund krónur og laun þingmanna um tæpar sjötíu þúsund krónur. Ráðmenn geti ekki þegið slíkar launahækkanir núna. Jafnvel þótt um vísitöluhækkanir sé að ræða samkvæmt hækkun launa annarra opinberra starfsmanna.

„En það er stuttur tími til stefnu. Það kemur þá í ljós á allra næstu dögum hvort hæstvirtur forsætisráðherra og ríkisstjórnin vilji stíga um borð í bátinn með almenningi,“ sagði Halldóra Mogensen.