Mikið álag á bráðamóttökuna í Fossvogi og fólki vísað annað

Atli Ísleifsson skrifar 6. janúar 2021 14:26

Bráðamóttaka Landspítalans í Fossvogi. Vísir/Vilhelm

Mikið álag er núna á Landspítalanum, meðal annars á bráðamóttöku í Fossvogi. Fólk sem leitar á bráðamóttökuna vegna vægari slysa eða veikinda má því gera ráð fyrir langri bið eftir þjónustu.

Þetta kemur fram í tilkynningu frá Landspítalnum. Þar segir að á bráðamóttökunni sé sjúklingum núna forgangsraðað eftir bráðleika og ef kostur sé vísað á heilsugæslustöðvar eða Læknavakt utan opnunartíma heilsugæslu.

Á tímum heimsfaraldurs Covid-19 er sérstaklega mikilvægt er að almenningur taki tillit til ofangreindra aðstæðna á bráðamóttöku, ef mögulegt er.

KVÖLD- OG HELGARVAKT LÆKNAVAKTAR

Læknavaktin í Austurveri við Háaleitisbraut er með opna móttöku alla virka daga kl. 17-23:30 og um helgar frá kl. 9-23:30.

http://laeknavaktin.is/

SÍMAVAKT ALLAN SÓLARHRINGINN

Vert er að minna á að hjúkrunarfræðingar eru á vakt allan sólarhringinn í símum 1770 og 1700 og sinna þar faglegri símaráðgjöf og vegvísun í heilbrigðiskerfinu fyrir allt landið. Sérfræðingar hjá 1770 meta þörf fyrir þjónustu og koma hlutum í farveg.

19 HEILSUGÆSLUR Á HÖFUÐBORGARSVÆÐINU

Hentugan lista yfir fimmtán heilsugæslustöðvar er að finna hérna:

https://www.heilsugaeslan.is/heilsugaeslustodvar/

Einkareknar heilsugæslustöðvar eru síðan starfræktar í fjórum hverfum höfuðborgarsvæðisins og þær eru hérna:

Heilsugæslan Höfða

https://hgh.is/

Heilsugæslan Lágmúla

http://www.hglagmuli.com/133/

Heilsugæslan Salahverfi

https://www.salus.is/

Heilsugæslan Urðarhvarfi

https://heilsugaesla.hv.is/

ÞJÓNUSTUVEFSJÁ Á HEILSUVERU

Á Heilsuveru er þjónustuvefsjá þar sem einfalt er að finna næstu heilsugæslustöð og þá þjónustu sem í boði er um land allt. Heilsuvera er vefur fyrir almenning um heilsu og áhrifaþætti hennar. Þar er einnig að finna öruggt vefsvæði þar sem hægt er að eiga í samskiptum við starfsfólk heilbrigðisþjónustunnar og nálgast gögn úr eigin sjúkraskrá. Heilsuvera er samstarfsverkefni Heilsugæslu höfuðborgarsvæðisins og Embættis landlæknis.

https://www.heilsuvera.is/

BRÁÐADEILD LANDSPÍTALA

Vefsvæði bráðadeildar Landspítala er hérna:

https://www.landspitali.is/sjuklingar-adstandendur/deildir-og-thjonusta/bradadeild-g2/

FRÉTT UM GÓÐA ÞJÓNUSTU OG RÚMAN OPNUNARTÍMA HEILSUGÆSLU OG LÆKNAVAKTAR

https://www.facebook.com/Landspitali/videos/1941795545934052/

Landspítalinn