Joe Biden forseti Bandaríkjanna hefur undirritað tilskipun þess efnis að leiðtogar herforingjastjórnarinnar í Mjanmar sem tóku völdin í landinu á dögunum verði beittir efnahagsþvingunum af hálfu Bandaríkjanna.
Samkvæmt tilskipuninni á einnig að frysta eignir stjórnarinnar í Mjanmar á bankareikningum í Bandaríkjunum sem sagðar eru nema um einum milljarði dollara.
Mikil ólga er nú í Mjanmar eftir að herforingjarnir hnepptu stjórnmálaleiðtoga landsins í varðhald og hefur almenningur fjölmennt á götur borga í landinu til að mótmæla.
Ung kona berst nú fyrir lífi sínu á sjúkrahúsi en hún var skotin í höfuðið af lögreglu í mótmælum í höfuðborginni Nay Pyi Thaw á þriðjudaginn var.
Enn er mótmælt á götum Mjanmar eftir að her landsins tók völdin og hneppti lýðræðislega kjörna fulltrúa í varðhald, þar á meðal leiðtogann Aung San Suu Kyi.
Herforingjastjórn Myanmar hefur slökkt á Internet-tengingu landsins vegna mótmæla þar í landi. Herforingjastjórnin tók völdin í vikunni sem leið og setti kjörinn leiðtoga landsins í varðhald.
