Menning

RAX Augnablik: Var smeykur að mynda kónginn í Thule

Sylvía Rut Sigfúsdóttir skrifar
RAX Augnablik Þáttur 25 Thumbnail

Ragnar Axelsson heimsótti Thule, sem var nyrsta byggð í heimi, árið 1987. Þar fylgdist hann með veiðimönnum úti á ísnum við Grænland í fyrsta skipti.

„Ég var ekkert voðalega hrifinn af því sem ég sá í byrjun,“ segir RAX um fyrstu kynni sín af Grænlandi. Þá var hann að læra flug og fór oft með vinum sínum í sjúkraflug þangað til að safna tímum. Heimsóknin til Thule átti eftir að breyta hans viðhorfi, en þar kynntist hann manninum sem kallaður var kóngurinn í Thule og fór með honum út á hafísinn.

„Hann talaði enga dönsku, ekkert. Svo ég hugsaði, hvern fjandann er ég að gera?“

Þeir tjölduðu úti á ísnum og svo biðu veiðimennirnir þar.

„Það var beðið dögum saman eftir að það kæmi náhvalur, eða ísbjörn eða selir eða hvað sem var í sjónum.“

Frásögnina í heild sinni má heyra í spilaranum hér fyrir neðan. RAX Augnablik eru örþættir og sagan Kóngurinn í Thule er tæpar sex mínútur.

Klippa: RAX Augnablik - Kóngurinn í Thule

RAX hefur síðustu áratugi farið margar ferðir til Grænlands og myndað Grænland og mannlífið þar. Hefur hann meðal annars gefið út bækur með þeim myndum og eru margar til sýnis á sýningu hans í Listasafni Reykjavíkur þessa dagana. 

Fjallað hefur verið um margar aðrar Grænlandsferðir RAX í fyrri þáttum af RAX Augnablik og má horfa á nokkra þeirra hér fyrir neðan. 

Í þáttunum RAX AUGNABLIK segir ljósmyndarinn Ragnar Axelsson sögurnar á bak við margar af sínum þekktustu myndum. Ragnar hefur starfað á vettvangi í meira en fjörutíu ár og eru sögurnar hans ævintýralegar. Nýr þáttur kemur út á hverjum sunnudegi hér á Vísi og á Stöð 2+. 

Hægt er að sjá alla þættina HÉR á Vísi.

RAX Ljósmyndun Grænland

Tengdar fréttir

„Við látum hitastigið ekki stoppa okkur“

Baðbomburnar á Þórshöfn eru sennilega einn hressasti sjósundshópur landsins en þær hafa skellt sér reglulega í sjóinn síðustu mánuði og láta frost og forvitna seli ekki trufla sig.

RAX Augnablik: „Sennilega eini fuglinn á Íslandi sem hefur drepið mann“

„Á ákveðnu svæði gekk maður yfir hálfgert sprengjusvæði þar sem að skúmurinn, sem er dálítið grimmur að verja unga sína, ræðst á mann og þeir eru mis grimmir,“ segir Ragnar Axelsson ljósmyndari um daga sína í sveit sem barn, þar sem hann hafði það hlutverk að reka beljurnar heim.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.