Bein útsending: Vísindi á mannamáli

Á Stafræna Háskóladeginum situr vísinda- og fræðafólk Háskóla Íslands fyrir svörum í beinu streymi úr Hátíðasal skólans. Um er að ræða spjallþátt þar sem ætlunin er að ræða efni í deiglunni, áskoranir samtímans og rannsóknir í víðum skilningi auk þess sem tækifæri gefst til að varpa ljósi á hina hliðina á vísindamönnunum sem ekki blasir alltaf við.

Viðburðurinn fer fram í dag klukkan 13 og stendur yfir til klukkan 15:30. Streymið má sjá að neðan.

Viðmælendur verða frá öllum fimm fræðasviðum auk þess sem Jón Atli Benediktsson, rektor Háskólans mun sitja fyrir svörum.

Viðmælendur verða auk Jóns Atla, Isabel Alejandra Dias, Silja Bára Ómarsdóttir, Sigrún Ólafsdóttir, Tinna Laufey Ásgeirsdóttir, Eyvindur G. Gunnarsson, Helgi Gunnlaugsson, Urður Njarðvík, Thor Aspelund, Andri Steinþór Björnsson, Ingibjörg Gunnarsdóttir, Ingileif Jónsdóttir, Ármann Jakobsson, Rósa Signý Gísladóttir, Guðmundur Hálfdanarson, Guðrún Nordal, Hanna Ragnarsdóttir, Kristín Jónsdóttir, Guðfinna Aðalgeirsdóttir, Magnús Tumi Guðmundsson, Rögnvaldur Jóhann Sæmundsson, Gunnar Þór Hallgrímsson og Halldór Pálmar Halldórsson.