Gylfi fékk sex í ein­kunn fyrir frammi­­stöðuna á Brúnni

Gylfi Þór spilaði í sjötíu mínútur í tapinu í kvöld en sjálfsmark frá Ben Godfrey og vítaspyrna Jorginho tryggðu Chelsea stigin þrjú.

„Var duglegur þær mínútur sem hann spilaði til þess að trufla varnarmenn Chelsea og Jorginho í uppbyggingu Chelsea,“ sagði í umsögninni á Liverpool Echo.

„Everton kom ekki boltanum nægilega oft á íslenska landsliðsmanninn á þeim svæðum sem hann hefði þurft að fá boltann á.“

Jordan Pickford fékk hæstu einkunn Everton í kvöld en hann fékk átta í einkunn. Mason Holgate, Andre Gomes og Alex Iwobi fengu lægstu einkunn af þeim sem byrjuðu leikinn hjá Everton eða fimm í einkunn.

Gylfi fékk sex ásamt þeim Lucas Digne, Michael Keane, Ben Godfrey, Allan, Richarlison og Dominic Calvert-Lewin.