Óðinn fer til KA í sumar

Þetta herma heimildir Vísis. Handbolti.is greindi fyrst frá og sagði Óðin að öllum líkindum ganga til liðs við KA, en samkvæmt heimildum Vísis er það frágengið.

Ein umferð er eftir af deildarkeppninni í dönsku úrvalsdeildinni og er Óðinn með TTH í 3. sæti og því á leið í úrslitakeppni.

Óðinn er 23 ára gamall, hægri hornamaður sem leikið hefur á annan tug landsleikja. Óðinn hefur leikið í dönsku úrvalsdeildinni frá árinu 2018, fyrst með GOG og svo með TTH í vetur. Á Íslandi hóf hann ferilinn með HK en lék einnig með Fram og FH.