Þjáningarþríburar fylgdust að á öllum skólastigum Hallgerður Kolbrún E. Jónsdóttir skrifar 22. júní 2021 13:12 Strákarnir hafa verið nær límdir við hvorn annan frá því þeir byrjuðu skólagöngu sína. Aðsend/Jón Friðrik Þríburarnir Jón Friðrik, Kristján og Þór Guðjónssynir útskrifuðust um helgina með BS-gráðu í iðnaðarverkfræði við Háskóla Íslands. Bræðurnir hafa fylgst að í gegn um öll skólastig en Jón Friðrik segir þá bræður aldrei hafa ákveðið það saman hvaða skóli eða nám yrði fyrir valinu. „Heilt yfir var þægilegt að það var stutt í næsta mann ef maður var stopp í einhverju. Það var fínt að hafa þjáningarbræður með sér í þessu, bókstaflega,“ segir Jón Friðrik í samtali við fréttastofu. „Maður var stundum uppi í skóla að læra en svo fór maður heim, tók pásu og hélt áfram að læra um kvöldið. Þá var stutt í aðstoð ef maður var stopp og maður gat rætt hitt og þetta og fengið meira út úr því hugsa ég,“ segir Jón Friðrik. Jón Friðrik, Kristján og Þór voru saman í bekk í Versló og fylgdust svo áfram að í háskóla.Aðsend/Jón Friðrik Bræðurnir fylgdust ekki aðeins að í verkfræðinni heldur voru þeir eins og ber að skilja samferða í gegn um grunnskólann, þó þeir hafi ekki alltaf verið í sama bekk. Þeir voru allir í handbolta og fótbola, áttu sömu vini og svipuð áhugamál. Bræðurnir fóru svo allir í Verslunarskóla Íslands þegar að því kom og þar var fátt sem skildi þá að. „Við ákváðum ekki í sameiningu að velja Versló eða velja iðnaðarverkfræði í HÍ þegar við fórum í nám. Við vorum bara í sitthvoru horninu og tókum ákvörðun fyrir okkur sjálfa. Við völdum allir náttúrufræði-eðlisfræðibraut í Versló og völdum allir þýsku sem þriðja tungumál líka þannig að við enduðum allir í sama bekk í Versló,“ segir Jón. Samkeppnin var af hinu góða Að loknum menntaskóla tók svo við val um hvað tæki við. Eins og áður hefur verið getið varð iðnaðarverkfræði fyrir valinu hjá öllum þremur og segir Jón Friðrik að það hafi vakið einhverja athygli til að byrja með en spennan við það hafi fljótt dáið út. Bræðurnir útskrifuðust allir þrír með bakkalárgráðu í iðnaðarverkfræði frá Háskóla Íslands síðasta laugardag.Aðsend/Jón Friðrik „Já, við vorum í sama vinahópi í verkfræðinni. En maður þekkti furðumikið af fólki fyrir en við vorum í sama hópi þar. Þetta vakti einhverja athygli fyrst, maður heyrði að það var kannski eitthvað rætt fyrstu mánuðina en fólk var fljótt farið að venjast þessu. Ég held að það hafi allir vitað það eftir fyrstu vikuna, svona slúður fer um eins og eldur í sinu,“ segir Jón. Hann segir það hafa verið gott aðhald að hafa bræður sína samferða sér í náminu. Samkeppnin hafi verið einhver. „En ég held að það hafi bara verið heilbrigð samkeppni. Hún var af hinu góða, þetta var engin geðveiki. Maður var stundum að bera saman einkunnir en það var alltaf af hinu góða. Ég held að það hafi líka verið góður hvati til að gera betur en næsti bróðir,“ segir Jón Friðrik. „Mamma eða pabbi myndu segja nei“ En hvað tekur svo við? Þeir bræður hafa allir ákveðið að taka sér árspásu frá námi, enda hafa þeir setið á skólabekk frá því þeir voru sex ára gamlir. Hér má sjá bræðurna daginn sem þeir útskrifuðust úr grunnskóla.Aðsend/Jón Friðrik „Ég held að við séum allir að stefna að því að fara í nám út, í master. En ég get alveg sagt þér það að það verður ekki það sama. Ég held að ef kemur að því held ég að mamma eða pabbi myndu segja nei. Við erum ekki að fara að velja sama nám,“ segir Jón. Hann segist halda að áhugasvið þeirra innan verkfræðinnar liggi á mismunandi sviðum. „Við höfum allir veturinn til að skoða skóla og ákveða hvað við viljum læra. Annars erum við alveg blautir á bak við eyrun á vinnumarkaðinum þannig að kannski lærum við líka eða vitum meira eftir ár af vinnu hvað við viljum læra og hvað við viljum ekki læra. Ég held að sjóndeildarhringur okkar allra muni víkka í vetur, við erum allir búnir að sitja á skólabekk í ég veit ekki hvað mörg ár. Þannig að maður reynir að víkka sjóndeildarhringinn,“ segir Jón. Háskólar Tímamót Skóla - og menntamál Mest lesið Sigmundur og hvolpurinn gleðjast yfir fylgi Miðflokksins Lífið „Það braut ísinn að við hefðum deitað sama gaurinn“ Lífið Krakkatían: Ber, forsetar og prinsessur Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Gómsætar haustkökur að hætti Elenoru Lífið Skrúfaði titrarann í sundur til að forða nágrönnum frá ónæði Lífið Fréttatía vikunnar: Körfubolti, laxaastmi og stýrivextir Lífið Fleiri fréttir Með húsaflutninga á heilanum Krakkatían: Ber, forsetar og prinsessur Sigmundur og hvolpurinn gleðjast yfir fylgi Miðflokksins Karlmennskuhlaðvarpið heyrir sögunni til „Ég var heppinn. En ekki hann“ „Það er önnur hver gella með í vörunum“ Gómsætar haustkökur að hætti Elenoru „Það braut ísinn að við hefðum deitað sama gaurinn“ Fréttatía vikunnar: Körfubolti, laxaastmi og stýrivextir Áslaug Arna fór í meðferð til að vinna bug á köngulóafælni Ólafur Ragnar skellti sér á sæþotu eftir langan dag Simmi Vill og Sunneva Einars létu sig ekki vanta á Jókerinn Vill að Menendez bræðrum verði veitt frelsi Skrúfaði titrarann í sundur til að forða nágrönnum frá ónæði Eminem verður afi Foreldrar minnka við sig svo börnin geti keypt fyrstu eign „Mikilvægt að umkringja sig fólki sem veitir manni innblástur“ Það er töff að vera sauðfjárbóndi Ingunn Lára gengin út með Celebi Elt á röndum með drónum Rauða dreglinum rúllað út fyrir Svörtu sanda „Þetta er alveg áhugavert en ekki jafn áhugavert og Instagramið mitt“ Tína sveppi í íslenskri náttúru og nýta til fulls „Eini glæpur okkar var sá að verða ástfangin“ Krem í tísku sem séu börnum stórhættuleg Barnabarn Kurt Cobain og Tony Hawk í heiminn Draumur Lilju rættist á tískuvikunni í París Eitt huggulegasta par landsins selur íbúð með fallegum stigagangi Sigmundur birtist fyrirvaralaust Breskur Eurovision-sigurvegari látinn Sjá meira
„Heilt yfir var þægilegt að það var stutt í næsta mann ef maður var stopp í einhverju. Það var fínt að hafa þjáningarbræður með sér í þessu, bókstaflega,“ segir Jón Friðrik í samtali við fréttastofu. „Maður var stundum uppi í skóla að læra en svo fór maður heim, tók pásu og hélt áfram að læra um kvöldið. Þá var stutt í aðstoð ef maður var stopp og maður gat rætt hitt og þetta og fengið meira út úr því hugsa ég,“ segir Jón Friðrik. Jón Friðrik, Kristján og Þór voru saman í bekk í Versló og fylgdust svo áfram að í háskóla.Aðsend/Jón Friðrik Bræðurnir fylgdust ekki aðeins að í verkfræðinni heldur voru þeir eins og ber að skilja samferða í gegn um grunnskólann, þó þeir hafi ekki alltaf verið í sama bekk. Þeir voru allir í handbolta og fótbola, áttu sömu vini og svipuð áhugamál. Bræðurnir fóru svo allir í Verslunarskóla Íslands þegar að því kom og þar var fátt sem skildi þá að. „Við ákváðum ekki í sameiningu að velja Versló eða velja iðnaðarverkfræði í HÍ þegar við fórum í nám. Við vorum bara í sitthvoru horninu og tókum ákvörðun fyrir okkur sjálfa. Við völdum allir náttúrufræði-eðlisfræðibraut í Versló og völdum allir þýsku sem þriðja tungumál líka þannig að við enduðum allir í sama bekk í Versló,“ segir Jón. Samkeppnin var af hinu góða Að loknum menntaskóla tók svo við val um hvað tæki við. Eins og áður hefur verið getið varð iðnaðarverkfræði fyrir valinu hjá öllum þremur og segir Jón Friðrik að það hafi vakið einhverja athygli til að byrja með en spennan við það hafi fljótt dáið út. Bræðurnir útskrifuðust allir þrír með bakkalárgráðu í iðnaðarverkfræði frá Háskóla Íslands síðasta laugardag.Aðsend/Jón Friðrik „Já, við vorum í sama vinahópi í verkfræðinni. En maður þekkti furðumikið af fólki fyrir en við vorum í sama hópi þar. Þetta vakti einhverja athygli fyrst, maður heyrði að það var kannski eitthvað rætt fyrstu mánuðina en fólk var fljótt farið að venjast þessu. Ég held að það hafi allir vitað það eftir fyrstu vikuna, svona slúður fer um eins og eldur í sinu,“ segir Jón. Hann segir það hafa verið gott aðhald að hafa bræður sína samferða sér í náminu. Samkeppnin hafi verið einhver. „En ég held að það hafi bara verið heilbrigð samkeppni. Hún var af hinu góða, þetta var engin geðveiki. Maður var stundum að bera saman einkunnir en það var alltaf af hinu góða. Ég held að það hafi líka verið góður hvati til að gera betur en næsti bróðir,“ segir Jón Friðrik. „Mamma eða pabbi myndu segja nei“ En hvað tekur svo við? Þeir bræður hafa allir ákveðið að taka sér árspásu frá námi, enda hafa þeir setið á skólabekk frá því þeir voru sex ára gamlir. Hér má sjá bræðurna daginn sem þeir útskrifuðust úr grunnskóla.Aðsend/Jón Friðrik „Ég held að við séum allir að stefna að því að fara í nám út, í master. En ég get alveg sagt þér það að það verður ekki það sama. Ég held að ef kemur að því held ég að mamma eða pabbi myndu segja nei. Við erum ekki að fara að velja sama nám,“ segir Jón. Hann segist halda að áhugasvið þeirra innan verkfræðinnar liggi á mismunandi sviðum. „Við höfum allir veturinn til að skoða skóla og ákveða hvað við viljum læra. Annars erum við alveg blautir á bak við eyrun á vinnumarkaðinum þannig að kannski lærum við líka eða vitum meira eftir ár af vinnu hvað við viljum læra og hvað við viljum ekki læra. Ég held að sjóndeildarhringur okkar allra muni víkka í vetur, við erum allir búnir að sitja á skólabekk í ég veit ekki hvað mörg ár. Þannig að maður reynir að víkka sjóndeildarhringinn,“ segir Jón.
Háskólar Tímamót Skóla - og menntamál Mest lesið Sigmundur og hvolpurinn gleðjast yfir fylgi Miðflokksins Lífið „Það braut ísinn að við hefðum deitað sama gaurinn“ Lífið Krakkatían: Ber, forsetar og prinsessur Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Ólafur Ragnar skellti sér á sæþotu eftir langan dag Lífið Karlmennskuhlaðvarpið heyrir sögunni til Lífið Gómsætar haustkökur að hætti Elenoru Lífið Skrúfaði titrarann í sundur til að forða nágrönnum frá ónæði Lífið Fréttatía vikunnar: Körfubolti, laxaastmi og stýrivextir Lífið Fleiri fréttir Með húsaflutninga á heilanum Krakkatían: Ber, forsetar og prinsessur Sigmundur og hvolpurinn gleðjast yfir fylgi Miðflokksins Karlmennskuhlaðvarpið heyrir sögunni til „Ég var heppinn. En ekki hann“ „Það er önnur hver gella með í vörunum“ Gómsætar haustkökur að hætti Elenoru „Það braut ísinn að við hefðum deitað sama gaurinn“ Fréttatía vikunnar: Körfubolti, laxaastmi og stýrivextir Áslaug Arna fór í meðferð til að vinna bug á köngulóafælni Ólafur Ragnar skellti sér á sæþotu eftir langan dag Simmi Vill og Sunneva Einars létu sig ekki vanta á Jókerinn Vill að Menendez bræðrum verði veitt frelsi Skrúfaði titrarann í sundur til að forða nágrönnum frá ónæði Eminem verður afi Foreldrar minnka við sig svo börnin geti keypt fyrstu eign „Mikilvægt að umkringja sig fólki sem veitir manni innblástur“ Það er töff að vera sauðfjárbóndi Ingunn Lára gengin út með Celebi Elt á röndum með drónum Rauða dreglinum rúllað út fyrir Svörtu sanda „Þetta er alveg áhugavert en ekki jafn áhugavert og Instagramið mitt“ Tína sveppi í íslenskri náttúru og nýta til fulls „Eini glæpur okkar var sá að verða ástfangin“ Krem í tísku sem séu börnum stórhættuleg Barnabarn Kurt Cobain og Tony Hawk í heiminn Draumur Lilju rættist á tískuvikunni í París Eitt huggulegasta par landsins selur íbúð með fallegum stigagangi Sigmundur birtist fyrirvaralaust Breskur Eurovision-sigurvegari látinn Sjá meira