Ólafur segist leysa pattstöðu með því að bjóða sig ekki fram

Tryggvi Páll Tryggvason skrifar 19. júlí 2021 22:20

Ólafur Ísleifsson verður ekki á lista Miðflokksins í Reykjavík norður. Vísir/Vilhelm

Vilborg Þóranna Kristjánsdóttir lögfræðingur skipar 1. sæti á lista Miðflokksins í Reykjavíkjurkjördæmi norður fyrir komandi Alþingiskosningar. Ólafur Ísleifsson alþingismaður býður sig ekki fram á listanum, að eigin sögn svo leysa megi pattstöðu sem upp var komin.

Framboðslisti Miðflokksins var samþykktur á félagsfundi í kvöld með 77 prósent atkvæða fundargesta.

Fyrstu sæti skipa:

Vilborg Þóranna Kristjánsdóttir, lögfræðingur og sáttamiðlari.
Tómas Ellert Tómasson, verkfræðingur
Erna Valsdóttir, fasteignasali
Þórarinn Jóhann Kristjánsson, tölvunarfræðingur og kennari
Ásta Karen Ágústsdóttir, laganemi og dómritari
Sólveig Bjarney Daníelsdóttir, hjúkrunarfræðingur og aðstoðardeildarstjóri

Framboðslisti flokksins í Reykjavík norður.Mynd/Miðflokkurinn

Í bréfi sem Ólafur Ísleifsson sendi fundinum segir að „til að leysa þá pattstöðu sem upp er komin við uppstillingu á framboðslista Miðflokksins í Reykjavík norður hefi ég ákveðið að sækjast ekki eftir sæti á framboðslista flokkins í kjördæminu fyrir komandi Alþingiskosningar."

Miðflokkurinn Reykjavíkurkjördæmi norður Alþingiskosningar 2021

Tengdar fréttir

Miðflokkurinn boðar oddvitakjör í Reykjavík

Stjórn Miðflokksins í Reykjavík hefur tekið ákvörðun um að boða til oddvitakjörs í Reykjavíkurkjördæmi suður eftir að tillaga uppstillinganefndar að framboðslista flokksins í kjördæminu var felld á félagsfundi síðastliðinn fimmtudag.

18. júlí 2021 11:45

Uppnám innan Miðflokksins eftir að Þorsteinn neitaði að víkja

Þorsteinn Sæmundsson þingmaður Miðflokksins neitaði að beygja sig undir þau áform, sem honum höfðu verið kynnt, að vera ekki stillt upp sem oddvita flokksins í Reykjavík fyrir komandi alþingiskosningar.

16. júlí 2021 14:36

Fjórar konur á framboðslista Miðflokksins í Norðausturkjördæmi

Framboðslisti Miðflokksins í Norðausturkjördæmi var samþykktur á félagsfundi flokksins í gær. Sigmundur Davíð Gunnlaugsson, formaður flokksins mun leiða listann áfram í kjördæminu en þetta er þá annað kjörtímabilið sem hann leiðir lista flokksins í kjördæminu.

9. júlí 2021 08:16

Bergþór sækist eftir endurkjöri

Framboðslisti Miðflokksins í Norðvesturkjördæmi var samþykktur á félagsfundi flokksins á fimmtudaginn. Bergþór Ólason, þingmaður leiðir listann í kjördæminu en hann var einnig oddviti flokksins í kjördæminu á síðasta kjörtímabili.

10. júlí 2021 12:39